தமிழக அரசியல் களம் தற்போது வரலாறு காணாத வகையில் அனல் பறந்து கொண்டிருக்கிறது. ஆளும் தவெக, எதிர்க்கட்சியான திமுக மற்றும் அதிமுக ஆகிய கட்சிகளுக்கு இடையே தினசரி அரசியல் பஞ்சாயத்துகள் பரபரப்பை ஏற்படுத்தி வருகின்றன. குறிப்பாக, அதிமுகவின் முக்கிய எம்.எல்.ஏ-க்களும் முன்னாள் அமைச்சர்களான சி. விஜயபாஸ்கர், எம்.ஆர். விஜயபாஸ்கர், வளர்மதி உள்ளிட்டோரும் தங்களது பதவிகளை அடுத்தடுத்து ராஜினாமா செய்துவிட்டு தவெகவில் ஐக்கியமாகி வருவது பெரும் அதிர்வலைகளை ஏற்படுத்தியுள்ளது. மற்றொரு புறம், தவெக எம்.எல்.ஏ-க்களிடம் பேரம் பேசப்பட்டதாகக் கூறி முன்னாள் அமைச்சர் செந்தில் பாலாஜியின் தம்பி அசோக் குமார் உள்ளிட்டோர் மீது வழக்குப்பதிவு செய்யப்பட்டு, 5 பேர் கைது செய்யப்பட்டுள்ள விவகாரம் தமிழக அரசியலை மேலும் கொதிநிலைக்கு தள்ளியுள்ளது.
இப்படிப்பட்ட அசாதாரணமான மற்றும் பரபரப்பான அரசியல் சூழல் நிலவி வரும் வேளையில், தமிழக பாஜகவின் முன்னாள் தலைவரான அண்ணாமலை இதைப் பற்றி எவ்வித கருத்தும் தெரிவிக்காமல் இன்று மதியம் அமெரிக்காவிற்கு புறப்பட்டுச் செல்கிறார். கடந்த ஆண்டு பாஜக தலைவர் பொறுப்பில் இருந்து நீக்கப்பட்ட அவர், சட்டசபை தேர்தல் முடிவுகளுக்குப் பிறகு கட்சியிலிருந்தே முழுமையாக விலகினார். தற்போது ‘We The Leaders’ என்ற அமைப்பைத் தொடங்கி, அதை ஒரு அரசியல் கட்சியாக மாற்றும் முனைப்பில் மாவட்ட வாரியாக தீவிர உறுப்பினர் சேர்க்கையை நடத்தி வருகிறார். பாஜகவில் இருந்து விலகிய பிறகு பத்திரிகையாளர் சந்திப்புகளைத் தவிர்த்து வரும் அவர், சமூக ஊடகமான எக்ஸ் பக்கத்தில் மட்டுமே தனது கருத்துகளைப் பகிர்ந்து வருகிறார்.
அண்ணாமலை மாநில பாஜக தலைவராக இருந்தபோது செந்தில் பாலாஜியை மிகக் கடுமையாக எதிர்த்து அரசியல் செய்தவர் என்பது குறிப்பிடத்தக்கது. ஆனால், தற்போது செந்தில் பாலாஜி மற்றும் அவரது தம்பி மீது தவெக எம்.எல்.ஏ-விடம் பேரம் பேசியதாக இவ்வளவு பெரிய குற்றச்சாட்டுகள் எழுந்துள்ள நிலையிலும், அண்ணாமலை இன்று காலை வரை இது குறித்து எந்தவொரு கருத்தும் கூறாமல் மௌனம் காப்பது அவரது ஆதரவாளர்களிடையே பெரும் கவலையையும் ஏமாற்றத்தையும் ஏற்படுத்தியுள்ளது. இந்த அரசியல் அனல் பறக்கும் சூழ்நிலையிலும், அமெரிக்காவில் திட்டமிடப்பட்டுள்ள பல்வேறு நிகழ்ச்சிகளில் பங்கேற்பதற்காக அண்ணாமலை தனது பயணத்தைத் தொடர்வது தமிழக அரசியல் வட்டாரத்தில் விவாதப் பொருளாக மாறியுள்ளது.
கோலாப்பூர் – இச்சல்கரஞ்சி-கப்னூர் வழித்தடத்தில் உள்ள கப்னூர் சௌக் பகுதியில் அதிவேகமாக வந்த டாடா பஞ்ச் கார், முன்னால் சென்று…
உணவகத்தின் கலகலப்பான சத்தங்களுக்கு நடுவே, மேஜையின் நடுவில் வைக்கப்பட்டிருந்த ஹாட் பாட் பாத்திரம் மெல்லிய புகையுடன் கொதித்துக் கொண்டிருந்தது. தட்டிலிருந்த…
தலைநகர் டெல்லி மயூர் விஹார் பகுதியில் உள்ள தனியார் பள்ளியில் 3-ஆம் வகுப்பு படித்து வந்த 9 வயது சிறுமி…
கேரளாவில் வெளிநாட்டிலிருந்து சட்டவிரோதமாகக் கடத்தி வரப்பட்ட பல லட்சம் ரூபாய் மதிப்புள்ள தங்கத்தைக் கவர்ந்து செல்ல, பெண் ஒருவர் திரைப்பட…
உத்தரப் பிரதேச மாநிலம் புதௌன் மாவட்டத்தைச் சேர்ந்த கருலியா கிராமத்தைச் சேர்ந்தவர் ஏக்தா. ஏழு மாதக் கர்ப்பிணியாக இருந்த இவருக்குச்…
உத்தரப் பிரதேச மாநிலத்தில் 11-ஆம் வகுப்பு படித்துக் கொண்டிருந்த போதே காதலிப்பதாகக் கூறி, 10 ஆண்டுகள் அத்துமீறலில் ஈடுபட்டு ஏமாற்றிய…