டெல்டாவில் கைவைத்த விஜய்… இன்று தவெகவில் இணையும் முன்னாள் அமைச்சர் வைத்திலிங்கம்…. பரபரப்பு தகவல்…!

தமிழகத்தில் 2026 ஆம் ஆண்டு சட்டமன்றத் தேர்தல் நெருங்கும் சூழலில் அதிமுகவின் மூத்த தலைவரான செங்கோட்டையன் விஜயின் தமிழக வெற்றிக்கழகம் கட்சியில் இணைந்தது அரசியலில் புதிய திருப்பத்தை ஏற்படுத்தியுள்ளது. அவரைத் தொடர்ந்து அதிமுகவை சேர்ந்த முன்னாள் அமைச்சர் ஒருவரும் தமிழக வெற்றிக்கலகம் கட்சியில் சேர உள்ளதாக தகவல் வெளியாகி உள்ளது.

அவருடன் முன்னாள் எம்எல்ஏ இருவரும் சேர உள்ளதாக தெரிகிறது. விஜய் முன்னிலையில் அதிமுகவை சேர்ந்த மூத்த நிர்வாகியும் முன்னாள் அமைச்சருமான செங்கோட்டையன் தமிழக வெற்றி கழகம் கட்சியில் இணைந்த நிலையில் அவருக்கு கட்சியின் நிர்வாக குழு தலைமை ஒருங்கிணைப்பாளர் பதவி வழங்கப்பட்டது. அவரைத் தொடர்ந்து திமுக, அதிமுக மற்றும் மதிமுகவில் அரசியல் பேச்சாளராக இருந்த நாஞ்சில் சம்பத் விஜய் கட்சியில் இணைந்தார். அவருக்கு பிரச்சார செயலர் பதவி வழங்கப்பட்டது.

இந்நிலையில் அதிமுக பொதுச்செயலாளர் எடப்பாடி பழனிச்சாமிக்கு எதிராக ஓபிஎஸ் அணியில் இணைந்த வைத்திலிங்கம் இன்று தமிழக வெற்றி கழகம் கட்சியில் இணைய உள்ளதாக தகவல் வெளியாகி உள்ளது. சில நாட்களுக்கு முன்பே வைத்திலிங்கம் தமிழக வெற்றி கழகம் கட்சியில் இணைய போவதாக பேச்சு அடிபட்ட நிலையில் அதை அவர் மறுத்துவிட்டார். ஆனால் இன்று வைத்திலிங்கம் நடிகர் விஜயின் தமிழக வெற்றிக்கழகம் கட்சியில் இணைய இருப்பதாக அரசியல் வட்டாரங்கள் உறுதியான தகவலை கூறியுள்ளது.