7 தேசிய விருதுகளுக்கு சொந்தக்காரர்.. கவிப்பேரரசு வைரமுத்துவின் எண்ணிலடங்கா சாதனைகள் இதோ..!!

கவி பேரரசு வைரமுத்து கடந்த 1953-ஆம் ஆண்டு ஜூலை 13ஆம் தேதி பிறந்தார். இன்று அவர் தனது 71 வது பிறந்த நாளை கொண்டாடுகிறார். இன்றைய தினத்தில் வைரமுத்து செய்த சில சாதனைகள் குறித்து இந்த பதிவில் பார்ப்போம். வைரமுத்து திரைப்பட பாடலில் பல புதிய சொற்களை உருவாக்கியவர். தாவணி விசிறிகள், தீயின் தாகம், ராஜ மேகங்கள், அழகான ராட்சசி, அமுத கானம், பூவுக்குள் பூகம்பம் என பல வார்த்தைகளை உபயோகப்படுத்தி உள்ளார். சூப்பர் ஸ்டார் ரஜினிகாந்த் நடிப்பில் பாட்ஷா திரைப்படம் ரிலீஸ் ஆனது.

இந்த படத்தில் எட்டுக்குள்ள மனுஷன் இருக்கான் ராமையா என்ற பாடல் சூப்பர் ஹிட் ஆனது. இந்த பாடலை எழுதியவர் வைரமுத்து தான். இதில் சிறப்பு என்னவென்றால் 8 நிமிடத்திற்குள் வைரமுத்து அந்த பாடலை எழுதி முடித்து விட்டாராம். வைரமுத்து எழுதிய கள்ளிக்காட்டு இதிகாசம் நாவல் சாகித்ய அகாடமி விருதை வென்றது. வைரமுத்துவின் பல்வேறு கவிதைகள் தமிழ்நாட்டு பாடநூல் பள்ளி கல்லூரி பல்கலைக்கழக பாடங்களில் இடம் பெற்றுள்ளது.

இந்தியாவின் சிறந்த பாடலாசிரியருக்கான தேசிய விருது 7 முறை கவிப்பேரரசு வைரமுத்துவுக்கு வழங்கப்பட்டது. ஏழு முறை இந்த விருதை வென்ற ஒரே பாடலாசிரியர் வைரமுத்து தான். தமிழ்நாடு அரசின் சிறந்த பாடல் ஆசிரியருக்கான விருது ஆறு முறை வைரமுத்துக்கு வழங்கப்பட்டுள்ளது. இந்தியாவின் உயரிய விருதுகளான பத்மஸ்ரீ பத்மபூஷன் விருதுகளையும் வைரமுத்து தன்வசம் ஆக்கினார்.

இந்த நிலையில் ஐஸ்வர்யா ராய், சுஷ்மிதா சென், பிரியங்கா சோப்ரா, யுக்தாமுகி ஆகிய நான்கு உலக அழகிகளுக்கு பாடல் எழுதிய பாடல் ஆசிரியர் என்ற பெருமை வைரமுத்துவை சேரும். தமிழ் திரைப்பட பாடல்கள் சத்தம் இல்லாத தனிமை கேட்டேன் பாடல் நீளமான பாடலாகும். அதனை வைரமுத்து தான் எழுதினார். ஏ ஆர் ரகுமான் இசையில் உருவான பெரும்பாலான பாடல்களை எழுதியவர் வைரமுத்து. தமிழ் மட்டுமில்லாமல் மலையாளம், ஹிந்தி, தெலுங்கு, கன்னடம், வங்காளம் உள்ளிட்ட 80- க்கும் மேற்பட்ட மொழி இசையமைப்பாளர்களின் இசைக்கு தனது வரிகளால் சிறப்பு சேர்த்துள்ளார் என்பது குறிப்பிடத்தக்கதாகும்.