இனி UPI பரிவர்த்தனைக்கு PIN நம்பர் தேவையில்லை… வருகிறது சூப்பரான புதிய வசதி…!

இன்றைய காலகட்டத்தில் மக்கள் மத்தியில் ஆன்லைன் பணப்பரிவர்த்தனை என்பது அதிகமாகிவிட்டது. அதில் பெரும்பாலானோர் google pay, போன் பே உள்ளிட்ட UPI செயலிகளை பணப்பரிவர்த்தனைக்காக பயன்படுத்துகின்றனர்.  இதில் ஒவ்வொரு செயலியை பணப்பரிவர்த்தனைக்கு பயன்படுத்தும் போதும் நாம் பின் நம்பர் போட வேண்டி இருக்கும். சில நேரங்களில் அதை நாம் மறந்து விடுவதற்கான வாய்ப்புகளும் அதிகம். இப்படியான நிலையில் யூபிஐ பரிவர்த்தனைகளுக்கு இனி பின் நம்பருக்கு பதிலாக பயோமெட்ரிக் முறையில் பணப் பரிமாற்றம் செய்யும் வசதியை NPCI விரைவில் அறிமுகப்படுத்த உள்ளது.

கைரேகை மற்றும் முக அடையாளம் போன்ற பயோமெட்ரிக் அடையாளங்கள் மூலம் இந்த பணப்பரிமாற்றம் உறுதிப்படுத்தப்படும் என தெரிவித்துள்ளது. இதன் மூலம் பாதுகாப்பும் வசதியும் ஒரே நேரத்தில் மேம்படுத்தப்படும் என கூறப்படுகிறது. தற்போது பயன்படுத்தப்படும் PIN முறையுடன் சேர்த்த இந்த புதிய முறையும் விரைவில் அமல்படுத்த உள்ளதாக தெரிவிக்கப்பட்டுள்ளது.