நீயா… நானா பாத்துடலாமா?… இனி ரசாயனம் தேவையில்லை…. கரப்பான் பூச்சியை ஓட ஓட விரட்ட… சமையலறையின் ‘மாஸ்’ டிப்ஸ்… இதோ…!

சமையலறையில் பெரும் தொல்லையாக இருக்கும் கரப்பான் பூச்சிகள், உணவை மாசுபடுத்துவதுடன் நோய்க்கிருமிகளையும் பரப்புகின்றன. இவற்றை அழிக்க கடைகளில் கிடைக்கும் ரசாயனப் பொருட்களைப் பயன்படுத்துவது, குழந்தைகள் மற்றும் செல்லப்பிராணிகள் இருக்கும் வீடுகளுக்குப் பாதுகாப்பானது அல்ல. இதற்கு மாற்றாக, நம் சமையலறையில் உள்ள பிரியாணி இலை, பூண்டு, எலுமிச்சை போன்ற இயற்கை பொருட்களைப் பயன்படுத்தலாம். பிரியாணி இலையைப் பொடித்து பூச்சிகள் உலவும் இடங்களில் தூவுவது, பூண்டு-வெங்காயச் சாற்றைத் தண்ணீரில் கலந்து ஸ்ப்ரே செய்வது, எலுமிச்சைச் சாறு கலந்த வெதுவெதுப்பான நீரால் தரையைத் துடைப்பது போன்றவை கரப்பான் பூச்சிகளைத் திறம்பட விரட்ட உதவும்.

மேலும், சம அளவு சர்க்கரை மற்றும் பேக்கிங் சோடாவைக் கலந்து பூச்சிகள் வரும் இடங்களில் வைப்பதன் மூலமும், வெள்ளரிக்காய் தோல்களை மூலைகளில் போட்டு வைப்பதன் மூலமும் கரப்பான் பூச்சிகளின் தொல்லையைக் கட்டுப்படுத்தலாம். சர்க்கரை பூச்சிகளை ஈர்க்கும் வேளையில், பேக்கிங் சோடா அவற்றின் செரிமான மண்டலத்தைப் பாதித்து அழித்துவிடும். இருப்பினும், இயற்கை முறைகளைப் பயன்படுத்தும் போது, பிரியாணி இலை மற்றும் வெள்ளரிக்காய் தோல்கள் அழுகுவதற்கு முன்போ அல்லது வாசனை குறையும் போதோ தவறாமல் மாற்றிப் புதியவற்றை வைக்க வேண்டியது அவசியமாகும்.

இயற்கை தீர்வுகளுடன் சேர்த்து, வீட்டைத் தூய்மையாகப் பராமரிப்பதும் கரப்பான் பூச்சிகள் வராமல் தடுக்க மிக முக்கியம். உணவுப் பொருட்களைக் காற்று புகாத டப்பாக்களில் சேமிப்பது, சிந்திய உணவை உடனே சுத்தம் செய்வது மற்றும் இரவில் பாத்திரங்களைச் சிங்க்கில் ஊறப்போடாமல் கழுவி வைப்பது அவசியம். மேலும், குப்பைத் தொட்டிகளைத் தினமும் காலி செய்து மூடி வைப்பதோடு, வீட்டின் நீர் கசிவுகள் மற்றும் சுவரில் உள்ள விரிசல்களை உடனுக்குடன் சரிசெய்வதன் மூலம் கரப்பான் பூச்சிகள் வீட்டின் உள்ளே நுழைவதையும் பெருகவதையும் முற்றிலுமாகத் தடுக்க முடியும்.