“சின்ன காத்துக்கே அட்டை பறந்துடும்…” விஜய்யை வம்புக்கு இழுத்த உதயநிதி…. அமைச்சர் அமித்ஷாவையும் விட்டு வைக்கல…!!

சென்னையில் நடைபெற்ற பொங்கல் திருவிழாவில் பங்கேற்ற துணை முதல்வர் உதயநிதி ஸ்டாலின், தமிழக அரசியல் களம் குறித்து அதிரடியான கருத்துகளைப் பகிர்ந்துள்ளார். குறிப்பாக, நடிகர் விஜய்யின் அரசியல் வருகையை மறைமுகமாகச் சுட்டிக்காட்டிய அவர், புதிதாகக் கட்சித் தொடங்கி விளம்பரம் தேடுபவர்கள் வெறும் “காகித அட்டை” போன்றவர்கள் என்றும், ஒரு சிறிய காற்று வீசினால் கூட அவர்கள் காணாமல் போய்விடுவார்கள் என்றும் விமர்சித்துள்ளார். புது வரவுகளின் இத்தகைய ஆரவாரங்கள் எதுவும் திமுகவின் வெற்றியைப் பாதிக்காது என அவர் தெரிவித்தார்.

அதேபோல், மத்திய அமைச்சர் அமித்ஷாவின் பேச்சுக்கு பதிலடி கொடுத்த உதயநிதி, திமுக எப்போதும் மிரட்டல்களுக்கு அஞ்சாது என்று குறிப்பிட்டார். “உதயநிதியை முதல்வராக்க விடமாட்டோம்” என்ற அமித்ஷாவின் கருத்துக்கு, தான் முதல்வராக ஆசைப்படுவதாக எங்கும் தெரிவிக்கவில்லை என்றும், அமித்ஷா எப்போதும் தன்னைப் பற்றிய சிந்தனையிலேயே இருப்பதாகவும் கிண்டலாகக் கூறினார். 2026 தேர்தலில் 200-க்கும் மேற்பட்ட தொகுதிகளைக் கைப்பற்றி திமுக மீண்டும் ஆட்சி அமைப்பதைத் யாராலும் தடுக்க முடியாது என்றும் அவர் ஆவேசமாகப் பேசினார்.