BREAKING: “விவாகரத்து, வீட்டை விட்டு வெளியேற்றம், மிரட்டல்”…. விஜய் மனைவி அடுத்த பரபரப்பு….!

நடிகர் விஜய்க்கும் அவரது மனைவி சங்கீதாவுக்கும் இடையே விவாகரத்து தொடர்பான விவகாரங்கள் நீதிமன்றத்தில் நடைபெற்று வருவது சமூக வலைதளங்களில் பெரும் அதிர்வலைகளை ஏற்படுத்தியுள்ளது. சங்கீதா தாக்கல் செய்துள்ள மனுவில், நடிகர் விஜய் மீது திருமணத்தை மீறிய உறவு உள்ளிட்ட பல்வேறு  குற்றச்சாட்டுகளை முன்வைத்துள்ளார். இந்தத் தகவல்கள் பொதுவெளியில் பெரும் பரபரப்பை உண்டாக்கியுள்ள நிலையில், இச்சூழ்நிலையில் விஜய் மற்றும் நடிகை த்ரிஷா ஒன்றாக ஒரு திருமண விழாவில் கலந்துகொண்ட வீடியோ காட்சிகள் இணையத்தில் காட்டுத்தீயாகப் பரவின.

இந்தச் சூழலில், சங்கீதா செங்கல்பட்டு குடும்ப நல நீதிமன்றத்தில் மேலும் ஒரு புதிய மனுவைத் தாக்கல் செய்துள்ளார். அதில், விவாகரத்து வழக்கு நிலுவையில் உள்ள நிலையில், நீலாங்கரையில் உள்ள தங்களது இல்லத்தில் தன்னைத் தங்குவதற்கு விஜய் அனுமதிக்க மறுப்பதாகக் குற்றம் சாட்டியுள்ளார். அந்த வீட்டில் தனக்கும் சரிபாதி உரிமை உண்டு என்றும், வழக்கு முடியும் வரை அங்கு வசிக்க தன்னை அனுமதிக்க வேண்டும் என்றும் அவர் அந்த மனுவில் வலியுறுத்தியுள்ளார்.

மேலும், தனது கோரிக்கையை முன்வைக்கும்போது விஜய் தரப்பினர் வழக்கறிஞர்கள் மூலம் தன்னை மிரட்டுவதாக அவர் அதிர்ச்சிகரமான தகவலைத் தெரிவித்துள்ளார். திருமண வாழ்க்கையின் முக்கிய அடையாளமாகத் திகழும் அந்த வீட்டிற்கு மாற்றாக, அதே வசதிகள் கொண்ட மற்றொரு வீட்டை வழங்க வேண்டும் என்றும், அதுவரை பழைய வீட்டிலேயே தங்க அனுமதிக்க வேண்டும் என்றும் சங்கீதா தனது மனுவில் கேட்டுக்கொண்டுள்ளார். ஏற்கனவே தாக்கல் செய்துள்ள மனுவில் முறையான ஜீவனாம்சம் கோரியுள்ளதையும் அவர் சுட்டிக்காட்டியுள்ளார்.

தனிப்பட்ட கருத்து வேறுபாடுகள் மற்றும் மன உளைச்சல் காரணமாகவே இந்த விவாகரத்து முடிவுக்கு வந்திருப்பதாகவும், தங்களது திருமண உறவு முற்றிலும் சிதைந்துவிட்டதாகவும் சங்கீதா தனது மனுவில் குறிப்பிட்டுள்ளார். ஒரு பக்கம் தமிழக வெற்றிக் கழகத்தின் அரசியல் பயணத்தில் விஜய் கவனம் செலுத்தி வரும் சூழலில், மறுபுறம் இத்தகைய குடும்பப் பிரச்சனைகள் நீதிமன்றப் படியேறியிருப்பது அவரது ரசிகர்களிடையே பெரும் விவாதத்தை ஏற்படுத்தியுள்ளது. இவ்வழக்கின் அடுத்தகட்ட விசாரணை வரும் நாட்களில் நடைபெறவுள்ளது.