“உள்ளே வரும் பாமக?…. திருமாவை முதலில் சமாதானம் படுத்துங்க”…. விஜய்யின் அடுத்த மெகா மூவ்…. அமைச்சர்கள் கொடுத்த அந்த ஒரு ஐடியா….!

தமிழத்தில் தவெக தலைமையிலான அரசு தற்பொழுது பெரும்பான்மை சிக்கலை எதிர்நோக்கியுள்ள நிலையில், காங்கிரஸ், விசிக, கம்யூனிஸ்ட் கட்சிகள் மற்றும் ஐ.யு.எம்.எல் ஆகியவற்றின் ஆதரவுடன் ஆட்சி நடத்தி வருகிறது. நடந்து முடிந்த இடைத்தேர்தலில் வெற்றி பெற்று பலத்தை 109 ஆக உயர்த்தியுள்ள போதிலும், தனிப்பெரும்பான்மை இல்லாத சூழல் தொடர்கிறது. இதற்கிடையில், இத்தேர்தலில் அதிமுக கூட்டணியில் இருந்த போதிலும் பாமக வேட்பாளர்களை ஆதரிக்காமல் மறைமுகமாக தவெக-விற்கு களம் அமைத்துக் கொடுத்தது அரசியல் அரங்கில் புதிய விவாதங்களை ஏற்படுத்தியுள்ளது.

வட தமிழகத்தில் தனது செல்வாக்கை வலுப்படுத்தவும், ஆட்சியை நிலையாகத் தொடரவும் பாமகவை கூட்டணிக்குள் கொண்டு வர தவெக மூத்த தலைவர்கள் தீவிர முயற்சிகளை மேற்கொண்டு வருகின்றனர். ஆனால், கடந்த கால மோதல்களைக் காரணம் காட்டி பாமகவுடன் ஒரே அணியில் இணைய விசிக கடும் எதிர்ப்புத் தெரிவித்துள்ளது. பாமக உள்ளே வந்தால் தவெக கூட்டணியில் இருந்து வெளியேறுவோம் என்று விசிக தலைவர் திருமாவளவன் மற்றும் அமைச்சர் வன்னி அரசு ஆகியோர் திட்டவட்டமாக எச்சரித்துள்ளனர்.

மறுபுறம், விசிக வெளியேறினாலும் பாமகவின் பலத்தைக் கொண்டு சமாளிக்கலாம் என்று தவெக-வின் சில அமைச்சர்கள் முதலமைச்சர் விஜய்க்கு ஆலோசனைகள் வழங்கி வருகின்றனர். தற்போதைய அரசியல் சூழலில், கூட்டணிக் கட்சிகளிடையே ஏற்பட்டுள்ள இந்த மோதல் போக்கும், பாமகவின் வருகையும் தவெக அரசுக்கு இக்கட்டான நிலையை உருவாக்கியுள்ளது. விசிகவின் மிரட்டல் மற்றும் பாமகவின் ஆதரவு ஆகிய இரண்டு கட்டங்களுக்கு இடையில் சிக்கியுள்ள முதல்வர் விஜய், இந்த விவகாரத்தில் என்ன மாதிரியான இறுதி முடிவை எடுக்கப் போகிறார் என்ற எதிர்பார்ப்பு அரசியல் வட்டாரத்தில் எழுந்துள்ளது.