“தவெகவில் அடுத்த அதிர்ச்சி”… பதவி தருவதாகக் கூறி நிர்வாகி செய்த பகீர் காரியம்.. கர்ப்பமான பெண் கொடுத்த பரபரப்பு புகார்….!

ராணிப்பேட்டை மாவட்டம் அரக்கோணம் அருகே, தமிழக வெற்றிக் கழகத்தின் கிழக்கு ஒன்றிய செயலாளர் மீது பெண் ஒருவர் பாலியல் வன்கொடுமை புகார் அளித்துள்ள சம்பவம் பெரும் பரபரப்பை ஏற்படுத்தியுள்ளது. அரக்கோணம் ஒன்றியத்திற்கு உட்பட்ட வடமாம்பாக்கம் பகுதியைச் சேர்ந்த குமுதா, நடிகர் விஜய்யின் தமிழக வெற்றிக் கழகத்தில் அடிப்படை உறுப்பினராக உள்ளார். கட்சியில் பதவி வாங்கித் தருவதாகக் கூறி, தவெக கிழக்கு ஒன்றிய செயலாளர் சசிகுமார் தன்னை ஏமாற்றிப் பாலியல் வன்கொடுமை செய்ததாக அவர் காவல் நிலையத்தில் புகார் அளித்துள்ளார்.

அவர் அளித்த புகாரில், கட்சி ரீதியாகப் பழக்கம் ஏற்பட்ட சசிகுமார், வாட்ஸ்அப் மற்றும் தொலைபேசி மூலம் தொடர்ந்து பேசி வந்ததாகவும், கடந்த மே மாதம் தனது வீட்டிற்கு வந்து தன்னை வற்புறுத்திப் பாலியல் வன்கொடுமை செய்ததாகவும் குறிப்பிட்டுள்ளார். இதேபோன்று பலமுறை நடந்த இந்தச் செயலால் தான் கர்ப்பமடைந்ததாகவும், அதைக் கூறும்போது சசிகுமார் கொலை மிரட்டல் விடுத்ததாகவும் அவர் குற்றம்சாட்டியுள்ளார். மேலும், இச்சம்பவத்திற்குப் பிறகு தனக்குக் கருக்கலைப்பு ஏற்பட்டதாகவும், கட்சியைச் சேர்ந்த சிலர் தன்னைத் தொடர்ந்து மிரட்டி வந்ததால்தான் உடனடியாகப் புகார் அளிக்கவில்லை என்றும் அவர் தெரிவித்துள்ளார்.

இந்தப் புகாரின் அடிப்படையில் அரக்கோணம் நகர காவல் துறையினர் தற்போது தீவிர விசாரணை மேற்கொண்டு வருகின்றனர். இதற்கிடையே, இதுகுறித்து தொலைபேசி வாயிலாகத் தொடர்பு கொண்டு கேட்டபோது, கிழக்கு ஒன்றிய செயலாளர் சசிகுமார் இந்தப் புகார்களை முற்றிலுமாக மறுத்துள்ளார். இது முற்றிலும் உண்மைக்குப் புறம்பான புகார் என்றும், அரசியல் காழ்ப்புணர்ச்சி காரணமாகவே இதுபோன்ற பொய்புகார்கள் அளிக்கப்பட்டு வருவதாகவும், இதனைச் சட்டரீதியாக எதிர்கொள்ளத் தயாராக இருப்பதாகவும் அவர் விளக்கம் அளித்துள்ளார்.

பிரபல நடிகர் விஜய்யின் தமிழக வெற்றிக் கழகத்தில் முக்கியப் பொறுப்பில் உள்ள நிர்வாகி மீது இத்தகைய பாலியல் புகார் எழுந்துள்ள சம்பவம் அரக்கோணம் பகுதியில் பெரும் அதிர்ச்சியை ஏற்படுத்தியுள்ளது. அரசியல் வட்டாரங்களிலும் இச்சம்பவம் பெரும் பேசுபொருளாக மாறியுள்ள நிலையில், காவல்துறை விசாரணையின் முடிவிலேயே இதன் உண்மையான பின்னணி என்னவென்பது முழுமையாகத் தெரியவரும்.