தமிழக அரசியலே ஷாக்..! தேர்தலுக்கு முன்பே தவெக – காங்கிரஸ் ரகசியக் கூட்டணி..? உண்மையை உடைத்த எஸ்.ஆர்.எஸ். இப்ராஹிம்..!!

தமிழக சட்டமன்றத் தேர்தலுக்கு முன்பே தமிழக வெற்றிக் கழகத்தின் (தவெக) ஐடி விங்குடன் இணைந்து காங்கிரஸ் கட்சி பணியாற்றியதாக வெளியான தகவலை, அக்கட்சியின் செய்தித் தொடர்பாளர் எஸ்.ஆர்.எஸ். இப்ராஹிம் பகிரங்கமாக ஒப்புக்கொண்டுள்ளார். தேர்தலுக்கு முன்பே இரு கட்சிகளுக்கும் இடையே ரகசியப் புரிதல் இருந்ததை இந்த வாக்குமூலம் உறுதிப்படுத்தியுள்ளது. சமூக வலைதளங்கள் மற்றும் தேர்தல் பிரச்சார உத்திகளில் இரு கட்சிகளும் ஒருங்கிணைந்து செயல்பட்டது இப்போது வெளிச்சத்திற்கு வந்துள்ளது.

இது குறித்து விளக்கம் அளித்த இப்ராஹிம், “இதில் எந்தத் தவறும் இல்லை; மதவாத சக்திகள் தமிழகத்திற்குள் கால் பதிக்கக் கூடாது என்பதில் காங்கிரஸ் உறுதியாக இருந்தது” என்று தெரிவித்துள்ளார். ராகுல் காந்தி உள்ளிட்ட தேசியத் தலைவர்களுக்குத் தமிழகத்தின் கள நிலவரம் முழுமையாகத் தெரிந்திருந்தது என்றும், தமிழக மக்கள் ஒரு நீதியான மற்றும் நேர்மையான மாற்றத்தை விரும்பியதால் இந்த ஒருங்கிணைப்பு இயல்பாக நிகழ்ந்ததாகவும் அவர் குறிப்பிட்டுள்ளார்.

இந்தத் திடீர் ஒப்புதல் தமிழக அரசியல் வட்டாரத்தில் பெரும் விவாதத்தைக் கிளப்பியுள்ளது. தேர்தலுக்கு முன்பே இரு கட்சிகளும் திரைமறைவில் கைகோர்த்துச் செயல்பட்டது மற்ற கட்சிகளிடையே அதிர்ச்சியை ஏற்படுத்தியுள்ளது. மதவாத எதிர்ப்பை முன்வைத்து தவெக மற்றும் காங்கிரஸ் மேற்கொண்ட இந்த ரகசிய வியூகம் தான் தேர்தல் முடிவுகளில் எதிரொலித்ததா என்ற கேள்வியும் தற்போது எழுப்பப்பட்டு வருகிறது.