தமிழக அரசியலில் திருப்பத்தை ஏற்படுத்தியுள்ள தாராபுரம் சட்டமன்றத் தொகுதியில், தமிழக வெற்றிக் கழகத்தின் வேட்பாளராகக் களமிறங்கியுள்ள சத்யபாமா பேசும் வீடியோ ஒன்று சமூக வலைத்தளங்களில் வெளியாகிப் பெரும் சர்ச்சையைக் கிளப்பியுள்ளது. முன்னதாக அதிமுக சார்பில் போட்டியிட்டு வெற்றி பெற்று, பின்னர் தனது எம்.எல்.ஏ பதவியை ராஜினாமா செய்துவிட்டு தவெகவில் இணைந்த சத்யபாமாவுக்குத் தேர்தலில் போட்டியிட உடனடியாக வாய்ப்பளிக்கப்பட்டிருந்தது. வாக்குப்பதிவு நடைபெற்றுவரும் வேளையில் வெளியான இந்த வீடியோவில், “கடந்த தேர்தலில் 31 கோடி ரூபாய் செலவு செய்திருக்கிறேன், ஒரு பைசா கூடக் கிடைக்கவில்லை” என்று அவர் பேசியுள்ள காட்சிகள் இடம்பெற்று அதிர்வலைகளை ஏற்படுத்தியுள்ளன.
தேர்தல் ஆணையத்தின் விதிமுறைகளின்படி ஒரு வேட்பாளர் தேர்தல் செலவுக்காக அதிகபட்சமாக 45 லட்சம் ரூபாய் மட்டுமே செலவிட அனுமதியுள்ளதுடன், அதற்கான முழு கணக்கையும் ஆணையத்திடம் சமர்ப்பிக்க வேண்டும். ஆனால், சத்யபாமாவே பகிரங்கமாகத் தான் 31 கோடி ரூபாய் வரை செலவு செய்ததாகக் கூறும் வீடியோவின் உண்மைத்தன்மை உறுதிசெய்யப்பட்டால், அவர் மீது தேர்தல் ஆணையம் கடுமையான சட்ட நடவடிக்கைகளை மேற்கொள்ள வாய்ப்புள்ளதாக அரசியல் விமர்சகர்கள் சுட்டிக்காட்டுகின்றனர்.
இதனிடையே, சத்யபாமா தனது சட்டமன்ற உறுப்பினர் பதவியை திடீரென ராஜினாமா செய்ததன் பின்னணியில் தவெக சார்பில் கோடிக்கணக்கில் பணப் பரிமாற்றம் மற்றும் குதிரை பேரம் நடந்திருக்கலாம் என்று எதிர்க்கட்சிகள் தொடர்ந்து குற்றம்சாட்டி வருகின்றன. இந்தச் சூழலில் 31 கோடி ரூபாய் செலவு செய்ததாக அவர் பேசும் வீடியோ வெளியானது, எதன் அடிப்படையில் அவர் பதவியை ராஜினாமா செய்தார் என்ற கேள்விகளையும், மக்கள் மத்தியில் நிலவும் அதிருப்தியையும் சமூக வலைத்தளங்களில் மீண்டும் தீவிரமாக்கியுள்ளது.
தவெக தலைவர் விஜய், தாராபுரத்தில் களமிறங்கிய சத்யபாமாவுக்காக ஹெலிகாப்டர் மூலம் வருகை தந்து, சுமார் 30 கிலோ மீட்டர் தொலைவிற்குத் தீவிர வீதி உலாப் பிரச்சாரம் மேற்கொண்டிருந்தார். அக்கட்சியின் தொண்டர்களும் இரவும் பகலும் பாராது வாக்கு சேகரிப்பில் ஈடுபட்டிருந்த நிலையில், வாக்குப்பதிவு நாளன்றே வேட்பாளரின் இந்தச் சர்ச்சைக்குரிய வீடியோ வெளியாகி வைரலாவது தவெக வட்டாரத்திலும் பெரும் பின்னடைவையும் பரபரப்பையும் ஏற்படுத்தியுள்ளது.
அமெரிக்கத் துணைத் தலைவர் ஜே.டி. வான்ஸின் மனைவி உஷா வான்ஸ், மேரிலாந்தில் உள்ள 'ஜாயிண்ட் பேஸ் ஆண்ட்ரூஸ்' தளத்தில் ஹெலிகாப்டரில்…
பிரபல யூடியூபரான அனுராக் டோப்ஹால் சமீபத்திய பாட்காஸ்ட் ஒன்றில் கூறிய குற்றச்சாட்டுகளை அவரது மனைவி ரித்திகா சௌஹான் வன்மையாகக் கண்டித்துள்ளார்.…
கவுகாத்தி பல்கலைக்கழகத்தில் சமூகவியல் பயின்று வந்த மாணவி நிமிஷா தகுரியா, அசாரா புறநகர்ப் பகுதியில் அமைந்துள்ள தனியார் தங்கும் விடுதி…
லாரி அவர்களை நெருங்கிய அந்த ஒரு வினாடியில், அங்கிருந்தவர்கள் என்ன நடக்கிறது என்று உணர்வதற்கு முன்பே அதிர்ச்சியில் உறைந்து போய்…
திங்கட்கிழமை அதிகாலை கர்நாடகாவின் புத்தூர் பகுதியில் இருந்து கேரளாவுக்கு 11 பசுக்களை சட்டவிரோதமாகக் கொண்டு செல்ல முயன்றதாகக் கூறப்படும் சம்பவத்தில்,…
குஜராத் மாநிலம் ஜூனாகத் மாவட்டத்தில் அமைந்துள்ள மங்ரோல் துறைமுகப் பகுதியில் நெஞ்சை பதறவைக்கும் கோர சாலை விபத்து ஒன்று நிகழ்ந்துள்ளது.…