“எனக்கு இந்தியாவையும், மோடியையும் பிடிக்கும்” இதை இந்திய மக்களுக்குத் தெரியப்படுத்துங்கள்.. அதிபர் டிரம்ப் நெகிழ்ச்சி..!!

அமெரிக்க அதிபர் டொனால்ட் ட்ரம்ப், இந்தியாவிற்கும் பிரதமர் நரேந்திர மோடிக்கும் தனது அன்பையும் ஆதரவையும் வெளிப்படுத்தும் வகையில் ஒரு சிறப்புச் செய்தியை அனுப்பியுள்ளார். மார்ச் 14, 2026 அன்று டெல்லியில் நடைபெற்ற இந்தியா டுடே கான்க்ளேவ் 2026 (India Today Conclave) நிகழ்வில், ட்ரம்ப்பின் தீவிர ஆதரவாளரான லாரா லூமர் இந்தச் செய்தியை வாசித்தார். “எனக்கு இந்தியாவைப் பிடிக்கும், மோடியைப் பிடிக்கும் என்பதை இந்திய மக்களுக்குத் தெரியப்படுத்துங்கள்” என்று அந்தச் செய்தியில் ட்ரம்ப் குறிப்பிட்டுள்ளார்.

பிரதமர் மோடியை ஒரு “அற்புதமான தலைவர்” மற்றும் தனது “நல்ல நண்பர்” என்று ட்ரம்ப் புகழ்ந்துள்ளார். அமெரிக்காவிற்கும் இந்தியாவிற்கும் இடையிலான உறவு மிகவும் வலிமையாக இருப்பதைச் சுட்டிக்காட்டிய அவர், விரைவில் மீண்டும் இந்தியாவிற்குப் பயணம் மேற்கொள்ளத் திட்டமிட்டுள்ளதாகவும் சூசகமாகத் தெரிவித்துள்ளார். ஏற்கனவே 2020-ம் ஆண்டு பிப்ரவரியில் ‘நமஸ்தே ட்ரம்ப்’ நிகழ்விற்காக அவர் இந்தியா வந்திருந்தது குறிப்பிடத்தக்கது.

இந்தச் செய்தி, இரு நாடுகளுக்கும் இடையே வர்த்தகம் மற்றும் பாதுகாப்புத் துறைகளில் வளர்ந்து வரும் நெருக்கத்தை உறுதிப்படுத்துவதாக அரசியல் ஆய்வாளர்கள் கருதுகின்றனர். சமீபத்தில் இந்தியாவிற்கான அமெரிக்க தூதர் செர்ஜியோ கோர், ட்ரம்ப் அடுத்த ஓராண்டு அல்லது இரண்டு ஆண்டுகளுக்குள் இந்தியா வர வாய்ப்புள்ளதாகக் கூறியிருந்த நிலையில், ட்ரம்ப்பின் இந்த நேரடிச் செய்தி அந்த எதிர்பார்ப்பை மேலும் அதிகப்படுத்தியுள்ளது