“அருவருப்பான பேச்சு” நான் எந்த அரசியல் கட்சியுடனும் தொடர்பில் இல்லை… நயினார் நாகேந்திரனை விளாசிய திரிஷா..!!

தமிழக பாஜக தலைவர் நயினார் நாகேந்திரன், தமிழக வெற்றிக் கழகத் தலைவர் விஜய் குறித்து விமர்சிக்கும்போது நடிகை த்ரிஷாவின் பெயரைப் பயன்படுத்திப் பேசியது பெரும் சர்ச்சையை ஏற்படுத்தியுள்ளது. இதற்கு எதிர்ப்பு தெரிவித்து த்ரிஷா தனது வழக்கறிஞர் நித்யேஷ் நட்ராஜ் மூலம் அதிகாரப்பூர்வ அறிக்கை ஒன்றை வெளியிட்டுள்ளார். அதில் மாநிலத்தின் மிக உயர்ந்த அரசியல் பதவியில் இருப்பவரிடமிருந்து இத்தகைய அருவருப்பான மற்றும் தகுதியற்ற கருத்தை த்ரிஷா எதிர்பார்க்கவில்லை என்றும், மரியாதை குறைவாகப் பேசுவது எப்போதும் கண்டிக்கத்தக்கது என்றும் குறிப்பிடப்பட்டுள்ளது.

த்ரிஷா எந்தவொரு அரசியல் கட்சியுடனும் தொடர்பு கொண்டவர் அல்ல. அரசியலில் அவர் எப்போதும் ஒரு நடுநிலை நிலைப்பாட்டையே கொண்டுள்ளார், எதிர்காலத்திலும் அரசியலில் சேரும் எண்ணம் அவருக்கு இல்லை.ஒருவருடைய தனிப்பட்ட வாழ்க்கையை பொதுவெளியில் விவாதிப்பது நாகரீகமான செயல் அல்ல என்றும், பொது வாழ்வில் இருப்பவர்கள் பொறுப்புடனும் கண்ணியத்துடனும் செயல்பட வேண்டும் என்றும் வலியுறுத்தப்பட்டுள்ளது. தனது கலைப்பயணத்தை (Craft) மட்டுமே தனது அடையாளமாகக் கொள்ள விரும்புவதாகவும், தேவையற்ற அரசியல் விவகாரங்களில் தனது பெயரை இழுப்பதைத் தவிர்க்க வேண்டும் என்றும் த்ரிஷா தரப்பில் கேட்டுக்கொள்ளப்பட்டுள்ளது.