‘ஓடுவதை நிறுத்து’.. ஓடும் ரயிலில் அநாகரிகம்.. 3 முறை தப்பாக தோட்ட காமுகன்.. பெண் கொடுத்த அதிரடி ‘நோஸ் கட்’.. இணையத்தில் வைரலாகும் ‘சிட்னி இரயில்’ மோதல் வீடியோ..!!

சிட்னியில் ஓடும் ரயிலில் பயணித்த பெண் ஒருவருக்கு நேர்ந்த பாலியல் துன்புறுத்தலும், அதற்கு அவர் காட்டிய துணிச்சலான எதிர்ப்பும் தற்பொழுது சர்வதேச அளவில் பேசுபொருளாக மாறியுள்ளது. சிட்னியின் வடமேற்குப் பகுதியில் உள்ள வின்யார்ட் மற்றும் எப்பிங் ரயில் நிலையங்களுக்கு இடையே பயணித்த ரயிலில் இச்சம்பவம் நடந்துள்ளது. ரயிலில் அமர்ந்திருந்த அந்தப் பெண்ணை, பின்னால் இருந்த நபர் ஒருவர் பயணத்தின்போது மூன்று முறை மிகத் தகாத முறையில் தொட்டு அநாகரிகமாக நடந்துள்ளார். இதனால் கடும் அதிர்ச்சியும் பீதியும் அடைந்த அந்தப் பெண், மூன்றாவது முறை உடனடியாகத் திரும்பிப் பார்த்துத் தனக்குப் பின்னால் அமர்ந்திருந்த அந்த ஆசாமியைக் கச்சிதமாக அடையாளம் கண்டுள்ளார்.

இதனைத் தொடர்ந்து அந்தப் பெண் சும்மா இருந்துவிடாமல், பெட்டிக்குள்ளேயே அந்த நபரை அதிரடியாக எதிர்கொண்டு கேள்வி எழுப்பினார். நிலைமை தீவிரமடைவதைக் கண்ட அந்த நபர் பயந்துபோய் தொடர்ந்து மன்னிப்புக் கேட்டுள்ளார். எனினும் அவரை சும்மா விடக் கூடாது என்று முடிவெடுத்த அந்தப் பெண், ரயிலின் அவசரகால இன்டர்காம் (ஒலிபெருக்கி) அமைப்பைப் பயன்படுத்திப் போக்குவரத்து ஊழியர்களைத் தொடர்பு கொண்டு உதவி கோரினார். மேலும், நார்த் ஸ்ட்ராத்ஃபீல்ட் ரயில் நிலையத்தில் அந்த நபர் தப்பி ஓட முயன்றபோது, அவரைத் தடுத்து நிறுத்த முயன்றதுடன், தன் கைபேசி மூலம் அந்த மோதலையும், அந்த நபரின் உருவத்தையும் வீடியோவாகவும் புகைப்படங்களாகவும் துணிச்சலுடன் பதிவு செய்தார்.

இந்த அதிர்ச்சிச் சம்பவத்தைத் தொடர்ந்து, பாதிக்கப்பட்ட பெண் நியூ சவுத் வேல்ஸ் காவல்துறையிடம் அதிகாரப்பூர்வமாகப் புகார் அளித்து, தன்னிடம் இருந்த வீடியோ மற்றும் புகைப்பட ஆதாரங்களை ஒப்படைத்தார். இந்த ஆதாரங்களின் அடிப்படையில் காவல்துறையினர் தற்போது தீவிர விசாரணையைத் தொடங்கியுள்ளனர். குற்றம் சாட்டப்பட்ட நபரின் அடையாளம் இன்னும் அதிகாரப்பூர்வமாக வெளியிடப்படாத நிலையில், முதற்கட்டமாக ரயில் பெட்டிகள் மற்றும் நிலையங்களில் உள்ள சிசிடிவி (CCTV) காட்சிகளைப் போலீசார் ஆய்வு செய்து வருகின்றனர். பொதுப் போக்குவரத்தில் பெண்களுக்குப் பாதுகாப்பு இல்லாத சூழலை வெளிச்சம் போட்டுக் காட்டும் இச்சம்பவம் இணையத்திலும் பெரும் விவாதத்தைக் கிளப்பியுள்ளது.