தங்கம் வாங்குவோருக்கு ஷாக் நியூஸ்..! ஒரே நாளில் ரூ.2,720 உயர்ந்த விலை… சவரன் ரூ.1.13 லட்சத்தை தாண்டி புதிய உச்சம்..!!

தமிழகத்தில் தங்கம் மற்றும் வெள்ளி விலை இன்று புதிய உச்சத்தைத் தொட்டு, நகை வாங்குவோரை பெரும் அதிர்ச்சியில் ஆழ்த்தியுள்ளது. நேற்று ஒரு கிராம் தங்கம் ரூ.13,860-க்கும், ஒரு சவரன் ரூ.111,920-க்கும் விற்பனை செய்யப்பட்ட நிலையில், இன்று (ஏப்ரல் 08) அதிரடியாக விலை உயர்ந்துள்ளது. அதன்படி, கிராமுக்கு ரூ.340 உயர்ந்து ரூ.14,200-க்கும், ஒரு சவரனுக்கு ரூ.2,720 உயர்ந்து ரூ.1,13,600-க்கும் விற்பனை செய்யப்படுகிறது. ஒரு சவரன் விலை ரூ.1.13 லட்சத்தைத் தாண்டியிருப்பது நடுத்தர வர்க்கத்தினரிடையே கலக்கத்தை ஏற்படுத்தியுள்ளது.

தங்கத்தைத் தொடர்ந்து வெள்ளி விலையும் முன்னெப்போதும் இல்லாத வகையில் ராக்கெட் வேகத்தில் உயர்ந்துள்ளது. ஒரு கிராம் வெள்ளி நேற்று இருந்த விலையை விட ரூ.10 உயர்ந்து ரூ.265-க்கும், ஒரு கிலோ வெள்ளி ஒரே நாளில் ரூ.10,000 உயர்ந்து ரூ.2,65,000-க்கும் விற்பனையாகிறது. ஈரான் மற்றும் அமெரிக்கா இடையிலான போர் நிறுத்தச் சூழல் மற்றும் உலகளாவிய பொருளாதார மாற்றங்கள் காரணமாக, வரும் நாட்களில் தங்கம் விலை மேலும் அதிகரிக்கக்கூடும் என சந்தை வல்லுநர்கள் கணித்துள்ளனர். இதனால் முதலீட்டாளர்கள் தங்கத்தின் மீது அதிக ஆர்வம் காட்டி வருகின்றனர்.