BREAKING: நகைப் பிரியர்களுக்கு இடி மேல் இடி.. ஒரே நாளில் ரூ.2,400 எகிறிய தங்கம் விலை.. சவரன் ரூ.1.10 லட்சத்தைத் தாண்டி அதிர்ச்சி..!!

தமிழ்நாட்டில் 22 கேரட் ஆபரணத் தங்கத்தின் விலை இன்று ஒரே நாளில் சவரனுக்கு அதிரடியாக ரூ.2,400 உயர்ந்துள்ளது. நேற்று ஒரு சவரன் தங்கம் ரூ.1,08,000-க்கும், ஒரு கிராம் ரூ.13,500-க்கும் விற்பனை செய்யப்பட்ட நிலையில், இன்றைய விலை உயர்வின் காரணமாக ஒரு சவரன் ரூ.1,10,400 ஆகவும், ஒரு கிராம் ரூ.300 அதிகரித்து ரூ.13,800 ஆகவும் விற்பனை செய்யப்படுகிறது. கடந்த ஜூன் 1ஆம் தேதி ஒரு சவரன் ரூ.1,16,000 என்ற உச்சத்தைத் தொட்டிருந்த நிலையில், அடுத்த 11 நாட்களில் சவரனுக்கு ரூ.8,000 வரை குறைந்திருந்தது; ஆனால், இன்று மீண்டும் விலை ஏறுமுகமாக மாறியுள்ளது.

சர்வதேசச் சந்தையில் அமெரிக்க டாலரின் மதிப்பு தொடர்ந்து வலுவடைந்து வருவதால், தங்கம் மீதான முதலீடுகள் உலகளவில் குறைந்துள்ளன. பொதுவாக முதலீட்டாளர்கள் தங்கத்தை விடுத்து டாலர் மற்றும் இதர நிதிச் சந்தைகளில் கவனம் செலுத்துவதால் ஆபரணத் தங்கத்தின் விலையில் பெரும் ஏற்ற இறக்கங்கள் காணப்படுகின்றன. கடந்த சில நாட்களாகத் தொடர்ந்து சரிவைச் சந்தித்து வந்த தங்கத்தின் விலை, இன்று ஒரே நாளில் திடீரென சவரனுக்கு இரண்டாயிரத்திற்கும் மேல் உயர்ந்துள்ளது நகைப் பிரியர்கள் மற்றும் நடுத்தரக் குடும்பத்தினர் மத்தியில் அதிர்ச்சியை ஏற்படுத்தியுள்ளது.