மது பாட்டில்களை வெளியே வீசிய திமிர்?… நடுக்காட்டில் பேருந்தை நிறுத்தி மன்னிப்பு கேட்க வைத்த சம்பவம்… வைரலாகும் வீடியோ…!!!

உத்தரகாண்ட் மாநிலம் ரிஷிகேஷ் – ஸ்ரீநகர் நெடுஞ்சாலையில் ஓடும் பேருந்திலிருந்து மதுப் பாட்டில்களை வீசி எறிந்த பயணிகளுக்கு நேர்ந்த கதி குறித்த வீடியோ தற்போது இணையத்தில் வைரலாகி வருகிறது. பேருந்தில் பயணம் செய்த மூன்று நபர்கள் மது அருந்திவிட்டு, காலி பாட்டில்களை ஜன்னல் வழியாகச் சாலை ஓரத்தில் வீசியுள்ளனர்.

இந்நிலையில் இதைக் கண்ட அப்பகுதி நபர் ஒருவர், உடனடியாகப் பேருந்தை வழிமறித்து உள்ளே சென்று அந்த நபர்களைக் கடுமையாகச் சாடினார். “இது உங்கள் தந்தையின் சொத்து அல்ல, இது புனிதமான உத்தரகாண்ட் பூமி” என்று கூறி அவர்களை எச்சரித்ததோடு, பொது இடங்களில் இத்தகைய அநாகரீகமான செயல்களில் ஈடுபடுவதைக் கண்டித்து அவர்களை மன்னிப்புக் கேட்க வைத்தார்.

இந்தச் சம்பவம் குறித்து சமூக வலைதளங்களில் பொதுமக்கள் தங்களது ஆதரவைத் தெரிவித்து வருகின்றனர். சாலையில் கண்ணாடி பாட்டில்களை வீசுவது இருசக்கர வாகன ஓட்டிகளுக்கு விபத்தை ஏற்படுத்தக்கூடும் என்றும், இத்தகைய நபர்களுக்குச் சிறை தண்டனையும் அபராதமும் விதிக்கப்பட வேண்டும் என்றும் நெட்டிசன்கள் கருத்து தெரிவித்துள்ளனர்.

மேலும் “சிவிக் சென்ஸ்” எனப்படும் பொது ஒழுக்கம் இல்லாதவர்களுக்கு இதுபோன்ற உடனடிப் பாடங்கள் புகட்டப்பட வேண்டும் என்பதே பலரின் கருத்தாக உள்ளது. இந்த வீடியோ தற்போது பல லட்சம் பார்வைகளைப் பெற்று வைரலாகி வருவதுடன், பொது இடங்களில் குப்பைகளை வீசுவோருக்கு ஒரு எச்சரிக்கையாகவும் அமைந்துள்ளது.