“அன்றே கணித்தார் ஜோதிடர்!”… ஜெயலலிதா மரணம் முதல் விஜய்யின் அரசியல் வரை.. சி.பி. ராதாகிருஷ்ணனே ஷாக் ஆன அந்த நிமிடம்… பகீர் கிளப்பும் ராதன் பண்டிட்டின் கணிப்பு…!!!!

தமிழக அரசியலில் தற்போதைய ‘ஹாட் டாப்பிக்’ ஜோதிடர் ராதன் பண்டிட் தான். 40 ஆண்டுகால அனுபவம் கொண்ட இவர், மறைந்த முன்னாள் முதல்வர் ஜெயலலிதாவிடம், “அடுத்த பிறந்தநாளுக்கு நீங்கள் உயிருடன் இருக்க மாட்டீர்கள்” என்று நேரடியாகக் கூறியதாகத் தெரிவித்து அதிர வைத்துள்ளார். 2016 தேர்தலில் முறைகேடுகள் இன்றி தேர்தலைச் சந்திக்க அறிவுறுத்தியும், அவரது ஜாதகப்படி வெற்றி நிலைக்காது என எச்சரித்தும் யாரும் கேட்கவில்லை என அவர் ஆதங்கப்பட்டுள்ளார். ஜெயலலிதா மரணம் குறித்து இவர் அன்றே சொன்ன தகவல், தற்போது தவெக-வின் செய்தித் தொடர்பாளராக அவர் இருக்கும் சூழலில் பெரும் விவாதத்தை ஏற்படுத்தியுள்ளது.

தமிழக வெற்றிக் கழகத்தின் தலைவர் விஜய்யின் ஆஸ்தான ஜோதிடராக அறியப்படும் ராதன் பண்டிட், இந்த 2026 சட்டமன்றத் தேர்தல் முடிவுகளை முன்பே துல்லியமாகக் கணித்திருந்தார். விஜய்யின் ஜாதகத்தை “சுனாமி ஜாதகம்” என்று வர்ணித்த அவர், தமிழக அரசியலில் இது ஒரு மிகப்பெரிய மாற்றத்தை ஏற்படுத்தும் என்று கூறியிருந்தார். வாக்கு எண்ணிக்கையின் போது காலை 9:15 மணிக்கெல்லாம் தவெக முன்னிலை பெறுவது தெரியவரும் என்று அவர் சொன்னது போலவே, தற்போது தேர்தல் முடிவுகள் அமைந்துள்ளதால் சமூக வலைதளங்களில் அவர் வைரலாகி வருகிறார்.

விஜய்யின் பிறந்த தேதி மற்றும் எண் கணிதத்திற்கு ‘தமிழக வெற்றிக் கழகம்’ என்ற பெயர் கச்சிதமாகப் பொருந்துவதே இந்த வெற்றிக்கு முக்கியக் காரணம் என ராதன் பண்டிட் விளக்குகிறார். 140 முதல் 170 இடங்கள் வரை தவெக பிடிக்கும் என்று இவர் கணித்திருந்த நிலையில், தற்போது விஜய் ஆட்சிக்கட்டிலில் அமரவிருப்பது உறுதியாகியுள்ளது. மேலும், விஜய் ஒரு தீவிர முருக பக்தர் என்றும், அவரது ஆட்சிக் காலத்தில் தமிழகக் கோயில்கள் உலகத் தரத்திற்கு உயர்த்தப்படும் என்றும் அவர் ஒரு பேட்டியில் ஆன்மீக ரீதியிலான நம்பிக்கையைப் பகிர்ந்துள்ளார்.

தேர்தல் முடிவுகள் விஜய்க்குச் சாதகமாகத் தெரிந்தவுடன், சென்னை நீலாங்கரையில் உள்ள விஜய்யின் இல்லத்திற்கு ராதன் பண்டிட் நேரில் சென்று வாழ்த்து தெரிவித்தார். இது தொடர்பான புகைப்படங்கள் இணையத்தில் வெளியாகி பெரும் பரபரப்பை ஏற்படுத்தியுள்ளன. ஜெயலலிதா முதல் விஜய் வரை பல முக்கிய அரசியல் மாற்றங்களை முன்கூட்டியே கணித்த ராதன் பண்டிட்டின் வார்த்தைகள், தமிழக அரசியலில் ஜோதிடத்தின் முக்கியத்துவத்தைப் பலரையும் உற்றுநோக்க வைத்துள்ளது.