திக்.. திக்..! யார் இந்த நபர்?… பூங்காவில் அத்துமீறிய காம கொடூரன்… நடுரோட்டில் தர்ம அடி கொடுத்த சிங்கப் பெண்கள்…!!

ஜெய்ப்பூரில் உள்ள பொதுப் பூங்காவில் நீண்ட நாட்களாக இளம் பெண்களைக் குறிவைத்து அத்துமீறி வந்த நபர் ஒருவர் கையும் களவுமாகப் பிடிபட்டார். பூங்காவிற்கு வரும் பெண்களின் வயதைப் பொருட்படுத்தாமல் தொடர்ச்சியாகப் பாலியல் தொல்லை கொடுத்து வந்த அவரது செயல் அப்பகுதியில் பெரும் அதிருப்தியை ஏற்படுத்தியிருந்தது. வழக்கம் போல் இன்றும் அவர் அங்கு வந்த 18 வயது இளம் பெண் ஒருவரிடம் வரம்பு மீறித் தகாத முறையில் நடந்துகொள்ள முயன்றுள்ளார்.

அச்சமயத்தில் பெண்கள் உரிமைகளுக்காகவும் மேம்பாட்டிற்காகவும் களப்பணியாற்றும் சமூக ஆர்வலர்கள் குழு ஒன்று தற்செயலாக அங்கு இருந்தது. அந்த நபரின் அருவருக்கத்தக்கச் செயலை நேரில் கண்ட அவர்கள், உடனடியாக விரைந்து சென்று அவரைச் சுற்றி வளைத்தனர். சற்றும் எதிர்பாராத வகையில் அப்பெண்கள் ஒன்றிணைந்து அவருக்கு உரிய முறையில் தகுந்த பாடம் புகட்டி, பொது இடங்களில் பெண்களிடம் எவ்வாறு கண்ணியமாக நடந்துகொள்ள வேண்டும் என்பதை உணர்த்தினர்.