அதிமுகவுக்கு ஆதரவு… திடீரென அந்தர் பல்டி அடித்த திருமாவளவன்… பயங்கர ஷாக்கில் ஸ்டாலின்….!

தமிழகத்தில் 2026 ஆம் ஆண்டு சட்டமன்றத் தேர்தலை எதிர்கொள்ள திமுக தனது கூட்டணி கட்சிகளுடன் தயாராகி வருகிறது. என்னதான் தனது கூட்டணி கட்சிகள் பலமாக இருந்தாலும் மாற்றுக் கட்சியினரை தங்கள் கட்சியில் இணைக்கும் பணியில் ஸ்டாலின் தொடர்ந்து தீவிரம் காட்டி வருகின்றார். அதே சமயம் திமுகவில் கூட்டணியில் இருக்கும் கட்சிகள் சில கூடுதல் தொகுதிகளை கேட்டு முதல்வருக்கு தொடர்ந்து அழுத்தம் கொடுத்து வருகின்றன. குறிப்பாக கடந்த சில நாட்களாகவே விடுதலை சிறுத்தைகள் கட்சி கூடுதல் தொகுதிகளை கேட்டு வருகின்றது. அது மட்டுமல்லாமல் விடுதலை சிறுத்தைகள் கட்சியின் தலைவர் திருமாவளவன் திமுகவிற்கு எதிராக சமீப காலமாகவே சில விஷயங்களை பொதுவெளியில் பகிர்ந்து வருகின்றார்.

அதன்படி சமீபத்தில் கூட திமுக மீதும் அரசு மீதும் எங்களுக்கும் விமர்சனங்கள் உண்டு. ஆனால் அந்த விமர்சனங்களோடு தான் கூட்டணியை போற்றுகிறோம் எனக் கூறி பரபரப்பை கிளப்பி இருந்தார். இந்நிலையில் கம்யூனிஸ்ட் கட்சிகள் மட்டும் அல்லாமல் அனைத்து கட்சிகளையும் இடதுசாரிமயமாக்க வேண்டும் என்று திருமாவளவன் தெரிவித்துள்ளார். மேலும் பாஜகவுடன் கூட்டணி வைத்திருப்பதற்காக அதிமுகவை புறக்கணித்து விடக்கூடாது. அந்தக் கட்சியும் இடதுசாரி அரசியலை அடிப்படையாகக் கொண்டு பெரியார் கொள்கையுடன் உருவான இயக்கமாகத்தான் நாம் அணுக வேண்டும் என திருமாவளவன் அதிமுகவிற்கு ஆதரவாக பேசியுள்ளார். இவரின் இந்த பேச்சை தற்போது புதிய பரபரப்பை கிளப்பியுள்ளது.