திடீர் திருப்பம்… அதிமுக – தவெக கூட்டணி அமைந்தால்… திருமாவளவன் பரபரப்பு பேட்டி…!

தமிழகத்தில் 2026 ஆம் ஆண்டு சட்டமன்றத் தேர்தல் நெருங்க நெருங்க தேர்தல் களமும் சூடுபிடிக்க தொடங்கிவிட்டது. ஒரு பக்கம் தேர்தல் பிரச்சாரம் மறுபக்கம் கூட்டணி பேச்சு வார்த்தை என அனைத்து கட்சியினரும் தீவிரமாக அரசியல் பணியில் ஈடுபட்டு வருகின்றன. இதனுடைய கரூர் விவகாரத்தை தங்களுக்கு சாதகமாக பயன்படுத்திக் கொண்ட பாஜக அதிமுக மூலமாக விஜயை கூட்டணியில் இணைப்பதற்கு தீவிரம் காட்டி வருகிறது. அதேசமயம் விஜய்யை அதிமுகவில் இணைக்க ஈபிஎஸ் பேச்சுவார்த்தை நடத்தி வரும் நிலையில் சமீபத்தில் அதனை சூசகமாக தெரிவித்து இருந்தார். ஆனால் அதிமுகவுடன் கூட்டணி குறித்து தமிழக வெற்றி கழகம் தரப்பிலிருந்து இதுவரை எந்த விளக்கமும் அளிக்கப்படவில்லை.

இப்படியான நிலையில் இன்று செய்தியாளர்களை சந்தித்து பேசிய விடுதலை சிறுத்தைகள் கட்சியின் தலைவர் திருமாவளவன், அதிமுக மற்றும் தமிழக வெற்றிக் கழகம் கூட்டணி ஏற்படும் என்பது அதிமுக தரப்பில் பரப்பப்படும் வதந்தி. பாஜகவை கழற்றிவிட்டு தமிழக வெற்றி கழகம் கட்சியுடன் கூட்டணி வைக்க அதிமுக தயாராக இருக்கிறதா? அவ்வாறு அமைந்தால் அதிமுகவின் நம்பகத்தன்மை போய்விடும். அண்ணாமலை முந்திரிக்கொட்டை தனமாக விமர்சனம் செய்தது உள்நோக்கம் கொண்டது.

இருசக்கர வாகனத்தின் மீது என்னுடைய கார் மோதியத்திற்கு எந்த ஒரு ஆதாரமும் கிடையாது. அந்த சம்பவம் தொடர்பாக வீடியோ வெளியிட்டவருக்கும் அண்ணாமலைக்கும் ஏதோ தொடர்பு உள்ளது. திருமாவளவன் கலந்து கொள்ளும் நிகழ்ச்சியில் ஏதாவது பிரச்சனை ஏற்படுத்துங்கள் என்று பாஜகவும் ஆர் எஸ் எஸ் கட்சியும் தான் இந்த வேலையை செய்துள்ளார்கள். கார் மோதி தான் இந்த விபத்து ஏற்பட்டது என்று நிரூபித்தால் நான் மன்னிப்பு கேட்கிறேன் என்று திருமாவளவன் கூறியுள்ளார்.