சல்யூட் பாஸ்!.. “நாங்க இருக்கோம்”!.. ஓடும் ரயிலில் பசியால் தவித்த குழந்தை… ரயில்வே ஊழியர்கள் செய்த நெகிழ்ச்சி செயல்… குவியும் பாராட்டு…!!

இந்திய ரயில்வே ஊழியர்களின் அன்பான செயலால் நெகிழ்ந்த ஒரு தாயின் அனுபவம் தற்போது இணையத்தில் பேசுபொருளாக மாறியுள்ளது. ரயிலில் பயணம் செய்துகொண்டிருந்த போது, தனது சிறு குழந்தைக்கு உணவு தேவைப்பட்ட நிலையில், ரயில்வே ஊழியர்கள் மிகுந்த அக்கறையுடன் உணவு தயாரித்து வழங்கியுள்ளனர். பயணிகளின் அடிப்படைத் தேவைகளைப் புரிந்து கொண்டு, அவர்கள் செய்த இந்த எதிர்பாராத உதவி அந்தத் தாய்க்கு பெரும் மகிழ்ச்சியை ஏற்படுத்தியுள்ளது.

நீண்ட தூரப் பயணங்களின் போது சிறு குழந்தைகளுக்கு ஏற்ற உணவு கிடைப்பது சற்று கடினமான காரியமாகும். ஆனால், ஊழியர்கள், குழந்தைக்குத் தேவையான உணவை இன்முகத்தோடு தயாரித்து அளித்த அவர்களது அணுகுமுறையை அந்தத் தாய் வெகுவாகப் பாராட்டியுள்ளார். “அவர்கள் எங்களை மிகவும் அன்பாக வரவேற்று உபசரித்தனர்; என் குழந்தைக்காகச் சிறப்புக் கவனம் செலுத்தி உணவைச் செய்து கொடுத்தனர்” என அவர் தனது சமூக வலைத்தளப் பக்கத்தில் நெகிழ்ச்சியுடன் பகிர்ந்துள்ளார்.

இந்த மனதைக் தொடும் செய்தி சமூக வலைத்தளங்களில் வைரலானதை அடுத்து, இணையவாசிகள் பலரும் இந்திய ரயில்வே ஊழியர்களின் சிறப்பான சேவையைக் கொண்டாடி வருகின்றனர். மனிதநேயத்துடனும் பொறுப்புணர்வுடனும் செயல்பட்ட ஊழியர்களின் இந்தச் செயல் பயணிகளுக்கு மிகுந்த நம்பிக்கையை அளிப்பதாகப் பலரும் கருத்துப் பதிவிட்டு வருகின்றனர். ஒரு சாதாரண ரயில் பயணத்தை மறக்க முடியாத சிறந்த அனுபவமாக மாற்றிய ஊழியர்களின் செயல் அனைவரின் இதயங்களையும் வென்றுள்ளது.