அரசு ஊழியர்களின் கவனத்திற்கு…! ஜனவரியில் மீண்டும் பழைய ஓய்வூதிய திட்டம்…? முக்கிய அப்டேட்…!!

தமிழகத்தில் அரசு ஊழியர்கள் மற்றும் ஆசிரியர்களின் நீண்ட கால கோரிக்கையான பழைய ஓய்வூதியத் திட்டத்தை மீண்டும் அமல்படுத்துவது குறித்து முதல்வர் மு.க.ஸ்டாலின் தலைமையிலான அரசு தீவிரமாக ஆலோசித்து வருகிறது. கடந்த சட்டமன்றத் தேர்தலின் போது அளித்த வாக்குறுதியை நிறைவேற்றும் வகையில், மூத்த அதிகாரி ககன்தீப் சிங் பேடி தலைமையிலான வல்லுநர் குழு விரிவான ஆய்வுகளை மேற்கொண்டு தனது பரிந்துரைகளைத் தயார் செய்துள்ளது.

நிதி நெருக்கடி ஒருபுறம் இருந்தாலும், 2026 தேர்தலைக் கருத்தில் கொண்டு அரசு ஊழியர்களின் அதிருப்தியைச் சம்பாதிக்க விரும்பாத திமுக அரசு, ஜனவரி அல்லது பிப்ரவரி மாதத்தில் இது குறித்த முக்கிய அறிவிப்பை வெளியிடும் என எதிர்பார்க்கப்படுகிறது. இந்த விவகாரத்தில் நிதிப் பற்றாக்குறையைச் சமாளிக்க ஜிஎஸ்டி இழப்பீட்டுத் தொகையைப் பயன்படுத்துவது குறித்தும் அமைச்சர்கள் மட்டத்தில் ஆலோசனைகள் நடத்தப்பட்டுள்ளன.

சுமார் 50 லட்சம் அரசு ஊழியர்களின் குடும்ப வாக்குகளைப் பெற வேண்டிய கட்டாயத்தில் உள்ள ஆளும் கட்சி, பழைய ஓய்வூதியத் திட்டத்தையே இறுதி அறிக்கையில் பரிந்துரைக்க அதிக வாய்ப்புள்ளதாகத் தெரிகிறது. ஒருவேளை இந்தத் திட்டம் நடைமுறைக்கு வந்தால், அது பல ஆண்டுகளாகப் போராடி வரும் லட்சக்கணக்கான ஊழியர்களுக்குப் மிகப்பெரிய நிம்மதியைத் தரும். இருப்பினும், அரசாங்கத்தின் அதிகாரப்பூர்வ இறுதி அறிக்கை தாக்கல் செய்யப்பட்ட பின்னரே இது தொடர்பான முழுமையான தெளிவு கிடைக்கும்.