மேடம் டெலிவரி..! கோபத்தில் உணவைத் தூக்கி எறிந்த இளம்பெண்… அடுத்து நொடியே காத்திருந்த டுவிஸ்ட்… டெலிவரி ஊழியர் செய்த காரியத்தால் நெகிழ்ச்சி…!!

ஒரு பெண் இணையதளம் வாயிலாக உணவு ஆர்டர் செய்திருந்தார். உணவை எடுத்து வந்த டெலிவரி ஊழியர் வீட்டின் அழைப்பு மணியை ஒலிக்கச் செய்தார். வெளியே வந்த அந்தப் பெண், தான் ஆர்டர் செய்த உணவு சிதறி (Leakage) இருப்பதைக் கண்டு கடும் கோபமடைந்தார். உணவைப் பெற்றுக்கொள்ள மறுத்த அவர், ஆத்திரத்தில் அந்த உணவுப் பொட்டலத்தை அங்கேயே தூக்கி எறிந்தார். அந்த வேகத்தில், அவர் கழுத்தில் இருந்த தங்கச் சங்கிலி எதிர்பாராதவிதமாக அறுந்து உணவோடு கீழே விழுந்தது. இதனை கவனிக்காத அந்தப் பெண், கதவை படாரென சாத்திவிட்டு உள்ளே சென்றார்.

உணவு வீணானதால் தனது பணம் நஷ்டமாகுமே என்று வருந்திய அந்த ஊழியர், கீழே சிதறிய உணவைச் சுத்தம் செய்யத் தொடங்கினார். அப்போது உணவுக்கு நடுவே ஒரு தங்கச் சங்கிலி கிடப்பதைக் கண்டு அதிர்ச்சியடைந்தார். உடனடியாக மீண்டும் அழைப்பு மணியை அழுத்தி அந்தப் பெண்ணை வெளியே வரவழைத்தார். கீழே கிடந்த தங்கச் சங்கிலியை அவரிடம் ஒப்படைத்தார். தனது விலைமதிப்பற்ற நகை தொலைந்ததை உணராமல் இருந்த அந்தப் பெண், ஊழியரின் நேர்மையைக் கண்டு நெகிழ்ந்து போனார்.

தன் தவறை உணர்ந்த அந்தப் பெண், உடனடியாக வீட்டிற்குள் சென்று அந்த ஊழியருக்குக் குடிக்கத் தண்ணீர் கொண்டு வந்து கொடுத்தார். மேலும், அவரது நேர்மையைப் பாராட்டும் விதமாக 500 ரூபாய் நோட்டை அன்பளிப்பாக வழங்கினார். அந்த ஊழியரின் கைகளைப் கூப்பி நன்றியைத் தெரிவித்துவிட்டு அவர் உள்ளே சென்றார். “நேர்மையானவர் எப்போதும் நேர்மையானவரே” என்பதை இந்தச் சம்பவம் உணர்த்துகிறது.