தப்பியோடிய குற்றவாளி யார்?… கள்ளக்காதலால் வந்த விபரீத முடிவு… நடு இரவில் பெண்ணை உயிரோடு எரிக்க துணிந்த காதலன்… தலைநகரையே உலுக்கிய கொடூர சம்பவம்…!!

சத்தீஸ்கர் மாநில தலைநகர் ராய்ப்பூரில், திருமணமான பெண் ஒருவரை அவரது காதலனே தீ வைத்து எரித்த சம்பவம் பெரும் அதிர்ச்சியை ஏற்படுத்தியுள்ளது. கடந்த சில ஆண்டுகளாக இருவருக்கும் இடையே இருந்த திருமண மீறிய உறவால், அப்பெண்ணின் குடும்பத்தில் பிரச்சனை ஏற்பட்டு கணவரைப் பிரிந்து வாழ்ந்து வந்துள்ளார். இந்நிலையில், ஞாயிற்றுக்கிழமை இரவு இருவருக்கும் இடையே நடந்த சந்திப்பின் போது இந்த கொடூர தாக்குதல் நடத்தப்பட்டுள்ளது. தற்போது அப்பெண் தீவிர தீக்காயங்களுடன் மருத்துவமனையில் சிகிச்சை பெற்று வரும் நிலையில், தப்பியோடிய குற்றவாளியை காவல்துறையினர் வலைவீசி தீவிரமாக தேடி வருகின்றனர்.

இக்கொடூர சம்பவத்தை சுட்டிக்காட்டி மாநில அரசை காங்கிரஸ் கமிட்டித் தலைவர் தீபக் பைஜ் கடுமையாக விமர்சித்துள்ளார். முதலமைச்சர் வசிக்கும் தலைநகரிலேயே சட்டம் ஒழுங்கு முற்றிலுமாக சீர்குலைந்துள்ளதாகவும், பெண்களுக்கு துளியும் பாதுகாப்பற்ற சூழல் நிலவுவதாகவும் அவர் குற்றம் சாட்டினார். மேலும், சத்தீஸ்கர் மாநிலத்தின் தற்போதைய நிலைமை பீகார், உத்தரப் பிரதேசம் மற்றும் மணிப்பூர் மாநிலங்களைப் போன்று மோசமாக மாறிவிட்டதா என கேள்வி எழுப்பிய அவர், இதுபோன்ற தொடர் குற்றச் சம்பவங்களுக்கு ஆளும் அரசாங்கமே முழு பொறுப்பேற்க வேண்டும் எனவும் வலியுறுத்தியுள்ளார்.