“வாகன ஓட்டிகளுக்கு ஜாக்பாட்”… இனி தமிழ்நாட்டு சாலைகளில் ‘இந்த’ மாற்றம்.. ஜூன் 15 முதல் அமல்… 4 துண்டாக உடையும் நெடுஞ்சாலைத் துறை?…!!!

தமிழ்நாடு நெடுஞ்சாலைத் துறையில் நிலவி வரும் நிர்வாகத் தாமதங்களைக் குறைக்கவும், சாலைப் பணிகளை விரைவுபடுத்தவும் ஒரு முக்கிய சீர்திருத்தத்தை மாநில அரசு அறிவித்துள்ளது. இதுவரை கட்டுமானம் மற்றும் பராமரிப்பு, நபார்டு மற்றும் கிராமப்புற சாலைகள், திட்டங்கள் மற்றும் சென்னை சிட்டி சாலைகள் என தனித்தனிப் பிரிவுகளாக இயங்கி வந்த துறைகள் ஒருங்கிணைக்கப்பட்டு, இனி சென்னை, திருச்சி, மதுரை மற்றும் கோவை ஆகிய நான்கு மண்டலங்களாகச் செயல்பட உள்ளன.

இந்த மாற்றத்தின் மூலம், ஒவ்வொரு மண்டலத்திற்கும் ஒரு தலைமைப் பொறியாளர் நியமிக்கப்பட்டு, அந்தந்தப் பகுதிகளில் நடைபெறும் அனைத்து விதமான சாலை மற்றும் மேம்பாலப் பணிகளும் ஒரே அதிகாரியின் கட்டுப்பாட்டின் கீழ் கொண்டுவரப்படுகின்றன.

இந்த புதிய அதிகாரப் பரவலாக்கல் முறையினால், நிதி ஒதுக்கீடு மற்றும் தொழில்நுட்ப அனுமதிகளுக்காகச் சென்னை தலைமைச் செயலகத்தைச் சார்ந்திருக்கும் நிலை குறைந்து, மண்டல அளவிலேயே விரைவான முடிவுகள் எடுக்கப்படும்.

இது குறிப்பாக, ஒரு குறிப்பிட்ட பகுதியில் சாலை அமைக்கும் ஒரு பிரிவிற்கும், அதே இடத்தில் பாலம் கட்டும் மற்றொரு பிரிவிற்கும் இடையே நிலவி வந்த ஒருங்கிணைப்புச் சிக்கல்கள் மற்றும் ‘சிவப்பு நாடா’ முறை இதன் மூலம் தவிர்க்கப்படும். பொதுமக்களின் நீண்ட நாள் கோரிக்கையான புறவழிச்சாலைகள் மற்றும் உயர்மட்ட மேம்பாலப் பணிகள் இனி எவ்விதத் தடையுமின்றி ‘ஜெட்’ வேகத்தில் நடைபெறும் என எதிர்பார்க்கப்படுகிறது.