வந்தே பாரத் ரயிலுக்கே ‘ரெட் சிக்னல்’ கொடுத்த போதை ஆசாமிகள்… நடுவழியில் நின்ற வந்தே பாரத்… அதிரடி காட்டிய ரயில்வே நிர்வாகம்..!!

நாகர்கோவிலில் இருந்து சென்னை நோக்கிப் புறப்பட்ட வந்தே பாரத் ரயில், நெல்லை மாவட்டம் நாங்குநேரி அருகே மதுபோதையில் மயங்கிக் கிடந்த ரயில்வே கேட் கீப்பர்களால் நடுவழியில் நிறுத்தப்பட்ட சம்பவம் பெரும் பரபரப்பை ஏற்படுத்தியுள்ளது. ரயில் புறப்படுவதற்கு முன்பாக நிலைய மேலாளர் நாங்குநேரி கேட் கீப்பரைத் தொடர்பு கொண்டபோது, அவர் அழைப்பை ஏற்கவில்லை.

இதனால் சந்தேகமடைந்த மற்ற ஊழியர்கள் நேரில் சென்று பார்த்தபோது, அங்கிருந்த இரண்டு கேட் கீப்பர்களும் பணியின் போது மது அருந்திவிட்டு சுயநினைவின்றி மயங்கிக் கிடந்தது கண்டுபிடிக்கப்பட்டது. இதன் காரணமாகப் பாதுகாப்பு கருதி வள்ளியூர் அருகே வந்தே பாரத் ரயில் சுமார் 10 நிமிடங்கள் நிறுத்தி வைக்கப்பட்டது. இந்தக் கடுமையான விதிமீறல் தொடர்பாக ரயில்வே போலீசார் மற்றும் அதிகாரிகள் நடத்திய விசாரணையில், ஊழியர்கள் மது அருந்தியது மருத்துவப் பரிசோதனையில் உறுதி செய்யப்பட்டது.

இதனைத் தொடர்ந்து, பணியில் கவனக்குறைவாகவும் மதுபோதையிலும் இருந்த கொம்பையா மற்றும் சிராவன் ஆகிய இரு ஊழியர்களையும் நாகர்கோவில் ரயில்வே பொறியாளர் பிரிவு அதிகாரி உடனடியாகப் பணியிடை நீக்கம செய்து உத்தரவிட்டார். அதிவேக ரயில்கள் இயக்கப்படும் பாதையில் இத்தகைய அலட்சியம் பெரிய விபத்துகளுக்கு வழிவகுக்கும் என்பதால், அவர்கள் மீது கடுமையான துறை ரீதியான நடவடிக்கை எடுக்கப்படும் என எதிர்பார்க்கப்படுகிறது.