ஈரானுடனான மோதல் உச்சக்கட்டத்தை எட்டியுள்ள சூழலில், ஹார்முஸ் நீரிணைப் பகுதியில் (Strait of Hormuz) தனது வலிமைமிக்க ‘மரைன்ஸ்’ (Marines) எனப்படும் கடற்படை வீரர்களைக் களமிறக்க அமெரிக்கா முடிவெடுத்துள்ளது. அமெரிக்க மத்திய கட்டளையகத்தின் கோரிக்கையை ஏற்று, போர்ச் செயலாளர் பீட் ஹெக்செத் இதற்கான ஒப்புதலை வழங்கியுள்ளார். ஜப்பானில் நிலைநிறுத்தப்பட்டிருந்த ‘யுஎஸ்எஸ் திரிப்போலி’ (USS Tripoli) என்ற பிரம்மாண்டப் போர்க்கப்பலுடன், சுமார் 5,000 சிறப்புப் படை வீரர்கள் தற்போது மத்திய கிழக்கு நோக்கி மிக வேகமாக விரைந்துள்ளனர். இது ஈரானில் அமெரிக்கத் தரைப்படை நேரடியாகக் களமிறங்குமோ என்ற அச்சத்தை உலக நாடுகளிடையே ஏற்படுத்தியுள்ளது.
தொடர்ந்து போர் தீவிரமடைந்து வரும் நிலையில், பலியான அமெரிக்க வீரர்களின் எண்ணிக்கை 13-ஆக உயர்ந்துள்ளது. இது அமெரிக்க உள்நாட்டிலும் பெரும் அதிர்வலைகளை உருவாக்கியுள்ளதுடன், அங்கு எரிபொருள் விலை ஒரு கேலனுக்கு 3.60 டாலராக அதிகரித்துள்ளது. மற்றொருபுறம், இஸ்ரேல் பிரதமர் பெஞ்சமின் நெதன்யாகு கடந்த ஒரு வாரமாகப் பொதுவெளியில் தோன்றாதது பல்வேறு சந்தேகங்களை எழுப்பியுள்ளது. இதே வேளையில், ஈரானின் பாதுகாப்புத் தலைவர் அலி லாரிஜானி, தெஹ்ரான் வீதிகளில் தோன்றி அதிபர் டிரம்பை ஏளனம் செய்து சவால் விடுத்தது போர்ச் சூழலை மேலும் சூடாக்கியுள்ளது.
டிரம்ப் நிர்வாகத்தின் தற்போதைய முக்கிய இலக்காக ஈரானின் ‘கார்க்’ தீவு (Kharg Island) மாறியுள்ளது. பாரசீக வளைகுடாவில் அமைந்துள்ள இந்தத் தீவுதான் ஈரானின் ஒட்டுமொத்த எண்ணெய் ஏற்றுமதியில் 90 சதவீதத்தைக் கையாளுகிறது. தொடக்கத்தில் இத்தீவைக் கைப்பற்றும் எண்ணம் இல்லை என்று கூறிய டிரம்ப், தற்போது “என்னால் நொடிகளில் மனதை மாற்றிக்கொள்ள முடியும்” என்று எச்சரித்துள்ளார். இதன் மூலம் ஈரானின் பொருளாதார நரம்பைத் துண்டிப்பதன் மூலம் அந்த நாட்டைப் பணிய வைக்க அமெரிக்கா தீவிரமாகத் திட்டமிட்டு வருவது வெளிப்படையாகத் தெரிகிறது.
முன்னதாக, ஹார்முஸ் நீரிணையில் செல்லும் கப்பல்களுக்குப் பாதுகாப்பளிக்க முடியாது என்று அமெரிக்கப் பாதுகாப்புத் துறை கைவிரித்திருந்த நிலையில், தற்போது 5,000 வீரர்கள் அங்கு அனுப்பப்படுவது பெரும் அரசியல் திருப்பமாகக் கருதப்படுகிறது. ஏற்கனவே ஈரானின் ராணுவக் கட்டமைப்புகள் சிதைக்கப்பட்டுள்ளதாக அமெரிக்கா கூறி வரும் நிலையில், இந்த ‘மரைன்ஸ்’ வீரர்களின் வருகை ஈரானிடமிருந்து என்ன மாதிரியான எதிர்வினையைத் தூண்டும் என்பது பெரும் எதிர்பார்ப்பை ஏற்படுத்தியுள்ளது.
உத்திரப்பிரதேசத்தில் கங்கா எக்ஸ்பிரஸ்வேயில் கட்டுப்பாட்டை இழந்த கார் மோதிய விபத்தில் ஒரே குடும்பத்தைச் சேர்ந்த 4 பேர் பரிதாபமாக உயிரிழந்த…
டெல்லியில் போதைப்பொருள் விற்க மறுத்த பூ வியாபாரி பெண்ணைக் கும்பல் ஒன்று லத்தியால் தாக்கியுள்ள சம்பவம் சமூக வலைதளங்களில் வைரலாகிப்…
கன்னியாகுமரி மாவட்டம் கருங்கல் அருகே நேர்ந்த இருசக்கர வாகன விபத்தில் 13 வயது பரதநாட்டியக் கலைஞர் சிறுமி பரிதாபமாக உயிரிழந்த…
மத்திய அரசின் சார்பில் அரசுப் பள்ளி மாணவர்களுக்காக நடத்தப்படும் தேசிய வருவாய்வழி மற்றும் திறன் படிப்புதவித் தொகை திட்டத் தேர்விற்கு…
தவெக எம்.எல்.ஏ.க்கள் விவகாரத்தில் முதல்வர் ஜோசப் விஜய் விடுத்த எச்சரிக்கை வெறும் கண்துடைப்பு நாடகம் என்றும், பஞ்ச் டயலாக் பேசி…
கள்ளக்குறிச்சி மாவட்ட ஆட்சியருக்குத் தகாத குறுஞ்செய்தி அனுப்பியதாக எழுந்துள்ள குற்றச்சாட்டில் தொடர்புடைய தவெக எம்.எல்.ஏ. அருள் விக்னேஷை ஆளுங்கட்சி தரப்பு…