தமிழக சட்டமன்றத் தேர்தல் வாக்கு எண்ணிக்கை மே 4-ஆம் தேதி நடைபெற உள்ள சூழலில், தமிழக வெற்றிக் கழகத் தலைவர் விஜய் இன்று சென்னை பனையூரில் உள்ள கட்சி அலுவலகத்தில் தனது கட்சி வேட்பாளர்களுடன் அவசர ஆலோசனை நடத்தினார். இந்த ஆலோசனைக் கூட்டத்தில், தேர்தல் முடிவுகளுக்குப் பிந்தைய செயல்பாடுகள் மற்றும் வாக்கு எண்ணிக்கையின் போது பின்பற்ற வேண்டிய வழிமுறைகள் குறித்து முக்கிய விவாதங்கள் நடைபெற்றன. கட்சித் தொடங்கிய பிறகு சந்திக்கும் முதல் தேர்தல் என்பதால், மிகுந்த எதிர்பார்ப்புகளுக்கு மத்தியில் இந்தச் சந்திப்பு நிகழ்ந்துள்ளது.
கூட்டத்தில் உரையாற்றிய விஜய், மே 4-ஆம் தேதி வாக்கு எண்ணிக்கையின் போது வேட்பாளர்கள் மிகவும் விழிப்புடனும் கவனமாகவும் இருக்க வேண்டும் என்று அறிவுறுத்தினார். “நாம் அனைவரும் வெற்றி பெறுவோம் என்ற அசைக்க முடியாத நம்பிக்கை எனக்கு உள்ளது” என்று வேட்பாளர்களை உற்சாகப்படுத்திய அவர், தேர்தல் களம் தவெக-வுக்குச் சாதகமாக இருப்பதைச் சுட்டிக்காட்டினார். முடிவுகள் வெளியான பிறகு எவ்விதப் பதற்றத்திற்கும் இடம் கொடுக்காமல் நிதானமாகச் செயல்பட வேண்டும் என்றும் அவர் கேட்டுக்கொண்டார்.
குறிப்பாக, வெற்றி பெற்ற வேட்பாளர்களை மற்ற கட்சிகள் இழுக்க முயற்சி செய்யக்கூடும் என்ற அச்சம் நிலவும் சூழலில், விஜய் ஒரு முக்கியமான வேண்டுகோளை விடுத்தார். “வெற்றி பெற்றவுடன் வேறு எங்கும் சென்று விடாதீர்கள், நேராகப் பனையூர் அலுவலகத்திற்கு வாருங்கள். உங்களுக்காக நான் இங்கே காத்திருப்பேன்” என்று அவர் உருக்கமாகக் குறிப்பிட்டார். இதன் மூலம், தனது கட்சி எம்.எல்.ஏ-க்களை ஒருமித்தக் கட்டுப்பாட்டில் வைத்திருக்கவும், கட்சித் தாவல் போன்ற அரசியல் குழப்பங்களைத் தவிர்க்கவும் விஜய் இப்போதே அதிரடி வியூகத்தை வகுத்துள்ளார்.
தமிழக வெற்றிக் கழகத்தின் முன்னாள் நிர்வாகி நாகை பூபாலன் கைதான விவகாரத்தில், சர்வதேச அளவில் இயங்கும் மாபெரும் போதைப்பொருள் கடத்தல்…
உத்தரபிரதேச மாநிலம் கன்னோஜ் மாவட்டத்திற்குட்பட்ட ஜகத்பூர் பகுதியைச் சேர்ந்த சுக்பீர் சிங் என்பவர் அரியானாவில் பணியாற்றி வந்தார். 11 ஆண்டுகளுக்கு…
தமிழகத்தைச் சேர்ந்த தொழிலதிபர் ஆனந்த், பெங்களூரு எலகங்கா பகுதியில் தனது குடும்பத்துடன் வசித்துக்கொண்டு மக்காச்சோள இயந்திரங்கள் தயாரிக்கும் தொழில் செய்து…
உத்தரப் பிரதேச மாநிலத்தில் பணி நிமித்தமாகக் காவலாளி ஒருவர் இருசக்கர வாகனத்தில் சென்றபோது, அதிவேகமாக வந்த லாரி மோதிப் பரிதாபமாக…
சென்னை நீலாங்கரை, கபாலீஸ்வரர் நகர் தெற்கு 4-வது மெயின் ரோடு பகுதியில், பிறந்து சில மணி நேரங்களே ஆன பச்சிளம்…
வடகொரியா தனது வான் எல்லை பாதுகாப்பை மேலும் பலப்படுத்தும் நோக்கில், மனித உதவியின்றி இலக்குகளைத் தானாகவே துல்லியமாகக் கண்டறிந்து தாக்கும்…