“கடைசியாக ஒருமுறை கூட பார்க்க முடியல” வெளிநாடு சென்றால் இதுதான் நிலைமை… வீடியோ காலில் தாயின் உடலைப் பார்த்து கதறிய இளைஞர்..!!

பஞ்சாப்பைச் சேர்ந்த இளைஞர் ஒருவர் வேலைக்காக வெளிநாட்டில் வசித்து வருகிறார். இந்நிலையில், இந்தியாவில் உள்ள அவரது தாய் காலமான செய்தி கேட்டு அவர் நிலைகுலைந்து போனார். சூழ்நிலை காரணமாகத் தனது தாயின் இறுதிச் சடங்கில் நேரில் கலந்துகொள்ள முடியாத அந்த இளைஞர், வீடியோ அழைப்பு மூலமாகவே தனது தாயின் முகத்தைக் கடைசியாகக் கண்டு கதறி அழுதுள்ளார்.

தனது இன்ஸ்டாகிராம் பக்கத்தில் அவரே பகிர்ந்துள்ள இந்தக் காணொளியில், மொபைல் திரையில் தெரியும் தனது தாயின் புகைப்படத்தை மீண்டும் மீண்டும் முத்தமிட்டு அவர் அழுவது பார்ப்பவர் எவரையும் கண்ணீர் சிந்த வைக்கும் வகையில் உள்ளது. குடும்பத்திற்குப் பொருளாதார ரீதியாக உதவ வெளிநாடு சென்றாலும், இக்கட்டான இத்தகைய தருணங்களில் அன்புக்குரியவர்களுடன் இருக்க முடியவில்லையே என்ற ஏக்கம் அந்த இளைஞரின் முகத்தில் தெளிவாகத் தெரிந்தது.

இந்தக் காணொளி இணையத்தில் வைரலானதைத் தொடர்ந்து, வெளிநாடு வாழ் இந்தியர்கள் எதிர்கொள்ளும் சவால்கள் குறித்துப் பலரும் கருத்து தெரிவித்து வருகின்றனர். “பணம் முக்கியம்தான், ஆனால் உறவுகளின் கடைசி நிமிடங்களில் உடன் இருக்க முடியாதது ஈடு செய்ய முடியாத இழப்பு” என்றும், “ஒவ்வொரு வெளிநாட்டவரும் செலுத்தும் மறைமுக விலை இது” என்றும் நெட்டிசன்கள் பதிவிட்டு வருகின்றனர்.