யார் அந்த அரசியல் தலைவர்..? நடிகை நிவேதா பெத்துராஜ் போட்ட ஒற்றை ட்வீட்… பரபரக்கும் தமிழக அரசியல் களம்..!!

தமிழ்நாடு சட்டமன்றத் தேர்தல் நெருங்கி வரும் வேளையில், நடிகை நிவேதா பெத்துராஜ் தனது எக்ஸ் தளத்தில் ஒரு அரசியல் கட்சித் தலைவரை விமர்சித்து பதிவிட்டுள்ளார். அந்தப் பதிவில் எந்தவொரு தலைவரின் பெயரையும் அவர் நேரடியாகக் குறிப்பிடவில்லை என்றாலும், அரசியல் களத்தில் இது பெரும் விவாதத்தை ஏற்படுத்தியுள்ளது.

தனது பதிவில், குறிப்பிட்ட கட்சியின் ஐடி விங் (IT Wing) வெறுப்புணர்வை பரப்புவதாகவும், தவறான தகவல்களை வெளியிடுவதாகவும் அவர் குற்றம் சாட்டியுள்ளார். மேலும், தனிமனிதத் தாக்குதல்களுக்கு அந்தத் தலைவரே முழுப் பொறுப்பு என்றும், தேர்தலை முன்னிட்டு கட்சியின் செயல்பாடுகள் தரம் தாழ்ந்து செல்வதாகவும் அவர் காட்டமாகத் தெரிவித்துள்ளார்.

பெயர் குறிப்பிடாமல் நிவேதா பெத்துராஜ் முன்வைத்த இந்த விமர்சனம், அவர் யாரைக் குறிப்பிடுகிறார் என்பது குறித்து சமூக வலைதளங்களில் பல்வேறு யூகங்களை எழுப்பியுள்ளது. தேர்தல் நேரத்தில் ஒரு முன்னணி நடிகையிடமிருந்து வந்துள்ள இத்தகைய கருத்து, அரசியல் வட்டாரங்களில் பரபரப்பாகப் பேசப்பட்டு வருகிறது.