ஐயோ… பசிக்குது என்னை காப்பாத்துங்க… குவெட்டாவில் இருந்து இஸ்லாமாபாத் வரை… வழிதவறிப் போய் பத்து நாளாகத் தவிக்கும் மனநலம்… குன்றிய மரியாவின் பகீர் நிலை… பதறவைக்கும் சம்பவம்…!

பாகிஸ்தானின் குவெட்டாவில் இருந்து தவறுதலாகப் பேருந்தில் ஏறி இஸ்லாமாபாத் வந்தடைந்த மரியா என்ற 24 வயதுடைய மனநலம் குன்றிய இளம் பெண் குறித்து சமூக வலைத்தளங்களில் அவசரச் செய்தி பரவி வருகிறது. குலாம் ரசூல் என்பவரின் மகளான இவளது சொந்த ஊர் குவெட்டாவில் உள்ள காசி சாலை அல்லது ஹாஜி கிபி சாலை ஆகும்; கடந்த ஆகஸ்ட் 14 அன்று யாரோ இவரைத் தவறான பேருந்தில் ஏற்றிவிட்டதாகக் கூறப்படுகிறது.

பாஷ்டோ மொழி மட்டுமே பேசத் தெரிந்த இப்பெண், இஸ்லாமாபாத்தின் பானிகலா பகுதியில் மிகுந்த அச்சத்துடன் சாலையில் அமர்ந்திருந்தபோது காவல்துறையினரால் மீட்கப்பட்டுள்ளார். பசியால் வாடிய அவருக்கு உணவு வழங்கப்பட்ட நிலையில், கடந்த பத்து நாட்களாக இவர் பல்வேறு பகுதிகளில் சுற்றித் திரிந்துள்ளது விசாரணையில் தெரியவந்துள்ளது.

முந்தைய நிகழ்வுகளில் பொதுமக்களின் உதவியால் காணாமல் போன குழந்தைகள் வெற்றிகரமாக மீட்கப்பட்டதைப் போல, இம்முறையும் இப்பெண்ணின் குடும்பத்தினரை விரைவாகக் கண்டறிய வேண்டியுள்ளது. எனவே, இந்தத் தகவலைப் பகிர்வதன் மூலம் மரியா விரைவில் தனது பெற்றோரைச் சென்றடைய அனைவரும் உதவ வேண்டும்.