அடக்கொடுமையே… இன்ஸ்டாகிராமில் 400 பேர் செய்த அசிங்கம்…! பொறுத்தது போதும் என நடிகை எடுத்த அதிரடி முடிவு…!!

சமூக ஊடகங்கள் நடிகைகளுக்குப் புகழைத் தரும் அதே வேளையில், பல மோசமான அனுபவங்களையும் ஏற்படுத்துகின்றன. புகைப்படங்களுக்கு வரும் தவறான கமெண்ட்கள் மற்றும் இன்ஸ்டாகிராம் போன்ற செயலிகளின் தனிப்பட்ட குறுஞ்செய்திப் பகுதிக்கு வரும் முகம் சுளிக்க வைக்கும் செய்திகள் குறித்து பல நடிகைகள் தங்களுக்கு நேர்ந்த அனுபவங்களைத் தைரியமாக வெளியே பேசி வருகின்றனர். அந்த வரிசையில், ஜீ தமிழின் ‘டான்ஸ் ஜோடி டான்ஸ்’ நிகழ்ச்சி மற்றும் ‘டூரிங் டாக்கீஸ்’ திரைப்படம் மூலம் பிரபலமான நடிகை காயத்ரி ரீமா தனக்கு நேர்ந்த அதிர்ச்சிகரமான அனுபவத்தை அண்மையில் அளித்த பேட்டி ஒன்றில் வெளிப்படையாகப் பகிர்ந்துள்ளார்.

தான் நடித்துள்ள புதிய படமான ‘யார்ரா அந்த பையன் நான் தான் அந்த பையன்’ ரிலீசுக்காகக் காத்திருக்கும் நிலையில், இன்ஸ்டாகிராமில் இதுவரை எத்தனை பேரை பிளாக் செய்துள்ளீர்கள் என்ற கேள்வி காயத்ரியிடம் கேட்கப்பட்டது. அதற்கு அவர், 300 முதல் 400 பேரை பிளாக் செய்திருப்பதாகக் கூறி அதிர்ச்சியளித்துள்ளார். சில ஆண்கள் எவ்வித கூச்சமும் இன்றித் தங்களது ஆபாசப் புகைப்படங்களை அவரது தனிப்பட்ட மெசேஜில் அனுப்பியதுதான் இதற்கு முக்கியக் காரணம் என்று அவர் குறிப்பிட்டுள்ளார். ஆரம்பத்தில் இது போன்ற நபர்கள் மீது சைபர் கிரைமில் புகார் அளித்த போதிலும், தொல்லைகள் தொடர்ந்ததால் அலுத்துப் போய், தற்போது அத்தகைய நபர்களை நேரடியாக பிளாக் செய்யத் தொடங்கிவிட்டதாக அவர் வேதனையுடன் தெரிவித்துள்ளார்.

ஒரு நடிகையைப் பிடித்துள்ளது என்று மெசேஜ் அனுப்புவதற்கும், அவரது அனுமதியின்றி ஆபாசப் படங்களை அனுப்புவதற்கும் பெரிய வித்தியாசம் உள்ளது என்று காயத்ரி ரீமா சுட்டிக்காட்டியுள்ளார். சமூக ஊடகங்களில் போலி கணக்குகளைப் பயன்படுத்தி நடிக, நடிகையரை ஆபாசமாக விமர்சிப்பவர்களின் எண்ணிக்கை நாளுக்கு நாள் அதிகரித்து வருகிறது. சைபர் கிரைம் மூலமாகப் பல நடவடிக்கைகள் எடுக்கப்பட்டாலும் இந்தத் தொல்லைகள் குறையவில்லை என்பதால், இதற்கு முறையான நிரந்தரத் தீர்வு காண வேண்டும் என்ற கோரிக்கை எழுந்துள்ளது. மேலும், இந்த அவலநிலை நடிகைகளுக்கு மட்டுமல்லாமல், சமூக ஊடகங்களைப் பயன்படுத்தும் சாதாரணப் பெண்களுக்கும், குழந்தைகளுக்கும் கூடத் தொடர் கதையாக நீடித்து வருவதாகப் பலரும் தங்களது கருத்துக்களைப் பகிர்ந்து வருகின்றனர்.