இந்திய இரயிலில் நடந்த அநாகரிகத்தின் உச்சம்… இப்படியும் ஒரு அம்மாவா?… சமூக வலைத்தளங்களில் பற்றி எரியும் சர்ச்சை… வைரலாகும் வீடியோ…!!!

சமூக ஊடகங்களில் சமீபத்தில் வைரலாகி வரும் ஒரு வீடியோ, பொதுமக்களிடையே பெரும் அதிர்ச்சியையும் கண்டனத்தையும் ஏற்படுத்தியுள்ளது. ஓடும் இரயிலின் அவசரக்கால ஜன்னல் வழியாக ஒரு பெண் தனது இரண்டு குழந்தைகளை வரிசையாக சிறுநீர் கழிக்க வைக்கும் காட்சி அந்த வீடியோவில் பதிவாகியுள்ளது. இரயிலில் கழிவறை வசதி இருந்தும், சோம்பேறித்தனம் அல்லது அலட்சியம் காரணமாக அந்தப் பெண் பொது இடங்களில் கடைப்பிடிக்க வேண்டிய அடிப்படை நாகரிகத்தை மீறியுள்ளதாக இணையவாசிகள் கடுமையாக விமர்சித்து வருகின்றனர்.

இத்தகைய செயல்கள் சக பயணிகளுக்கு இடையூறு விளைவிப்பதோடு, சுகாதாரமற்ற சூழலையும் உருவாக்குவதாக சமூக ஆர்வலர்கள் சுட்டிக்காட்டுகின்றனர். இந்த வீடியோ குறித்து கருத்து தெரிவித்துள்ள பல பயனர்கள், பொது போக்குவரத்துகளில் இது போன்ற அநாகரிகமான செயல்களில் ஈடுபடுபவர்களுக்கு அபராதம் விதிக்க வேண்டும் என்றும், அவர்களை இரயிலில் பயணிக்க தடை செய்ய வேண்டும் என்றும் இந்திய இரயில்வேயிடம் கோரிக்கை விடுத்துள்ளனர்.

அதே சமயம், சில இரயில்களில் கழிவறைகள் மிகவும் அசுத்தமாக இருப்பதால் பயணிகள் இத்தகைய குறுக்கு வழிகளைத் தேடுவதாக ஒரு தரப்பினர் வாதிட்டாலும், ஒரு கழிவறை அசுத்தமாக இருந்தால் அடுத்த பெட்டியில் உள்ள கழிவறையைப் பயன்படுத்துவதே சரியான முறையாகும். இதுபோன்ற செயல்களுக்கு இரயில்வே சட்டத்தின் கீழ் மிகக் குறைந்த அளவே அபராதம் வசூலிக்கப்படுவதால், மக்கள் மத்தியில் போதிய விழிப்புணர்வு மற்றும் பயம் இல்லாமல் இருப்பதே இத்தகைய சம்பவங்களுக்கு முக்கியக் காரணமாகக் கருதப்படுகிறது.