“கண்ணுக்குக் கண் அல்ல.. இனி கண்ணுக்குத் தலைதான்”… ஒரு பக்கம் பேச்சுவார்த்தை.. மறுபக்கம் போர் மிரட்டல்… அம்பலமான உண்மை…!!!

ஈரான் மற்றும் அமெரிக்கா இடையிலான பதற்றம் மீண்டும் உச்சக்கட்டத்தை எட்டியுள்ள நிலையில், ஈரானின் புதிய ராணுவ ஆலோசகர் மொஹ்சின் ரெசாய் டொனால்ட் டிரம்ப் நிர்வாகத்திற்குப் பகிரங்க எச்சரிக்கை விடுத்துள்ளார். ஈரானின் எரிசக்தி அல்லது அடிப்படை உள்கட்டமைப்புகள் மீது அமெரிக்கா தாக்குதல் நடத்தினால், அதற்கு ஈடாக “கண்ணுக்குக் கண்” என்ற முறையைத் தாண்டி, “கண்ணுக்குத் தலை” என்ற ரீதியில் மிகக் கடுமையான பதிலடி கொடுக்கப்படும் என்று அவர் தெரிவித்துள்ளார்.

மேலும், வளைகுடா பகுதியில் அமெரிக்கக் கப்பல்களை மூழ்கடிக்கப் போவதாகவும், அமெரிக்காவை முழுமையாக முடக்கி விடுவோம் என்றும் அவர் எச்சரித்துள்ளார். மறுபுறம், ஈரானுக்கும் அமெரிக்காவுக்கும் இடையே ஒரு ‘முழுமையான தீர்வு’ காண்பதற்கான பேச்சுவார்த்தைகள் தொடங்கியுள்ளதாக டொனால்ட் டிரம்ப் தெரிவித்துள்ளார். இதன் காரணமாக, ஈரான் மீதான தாக்குதல்களை ஐந்து நாட்களுக்கு நிறுத்தி வைக்குமாறு அவர் பென்டகனுக்கு உத்தரவிட்டுள்ளார்.

ஆனால், இந்தப் பேச்சுவார்த்தை செய்திகளை ஈரான் நாடாளுமன்ற சபாநாயகர் மறுத்துள்ளார். சந்தைகளைக் கையாளுவதற்காக அமெரிக்கா பரப்பும் “போலிச் செய்தி” இதுவென்று அவர் விமர்சித்துள்ளார். எனினும், ஈரானின் உயர்மட்டத் தலைவர் மோஜ்தபா காமேனி ரகசியமாகப் பேச்சுவார்த்தைக்கு அனுமதி அளித்துள்ளதாகச் சில ஊடகத் தகவல்கள் தெரிவிக்கின்றன, இது மத்திய கிழக்கு பிராந்தியத்தில் பெரும் பரபரப்பை ஏற்படுத்தியுள்ளது.