அய்யோ… மூத்த இசையமைப்பாளருக்கு நேர்ந்த அநீதி?… கொந்தளித்த சினிமா உலகம்… நேரில் சென்று மன்னிப்பு கேட்ட ஷாருக்கான்…!

கடந்த 2007-ஆம் ஆண்டு ஃபராகான் இயக்கத்தில் ஷாருக்கான் மற்றும் தீபிகா படுகோன் நடிப்பில் வெளியான ‘ஓம் சாந்தி ஓம்’ திரைப்படத்தில் ‘தூம் தானா’ என்ற பாடல் இடம்பெற்றது. இந்தப் பாடலை பழைய காலத்து பாணியில் பிரம்மாண்டமாக உருவாக்க படக்குழுவினர் திட்டமிட்டனர். இதற்காக இசையமைப்பாளர் விஷால்-சேகர், மூத்த இசையமைப்பாளர் பியாரேலாலின் உதவியை நாடினர். அவருடைய வழிகாட்டுதலின்படி, டோல், தபலா, சிதார், கிட்டார் போன்ற பல்வேறு இசைக்கருவிகளுடன் 200 பக்கவாத்தியக் கலைஞர்களைக் கொண்டு, இடைவேளையின்றி தொடர்ந்து 14 மணி நேர படப்பிடிப்பில் இந்தப் பாடல் உருவாக்கப்பட்டது.

இருப்பினும், பாடலின் இறுதி மிக்சிங் பணிகளின் போது பியாரேலாலை அழைக்காததாலும், இசை சிடிக்கள் மற்றும் கேசட்டுகளில் அவருக்கு உரிய அங்கீகாரம் வழங்கப்படாததாலும் அவர் மிகுந்த மனவருத்தமும் கோபமும் அடைந்தார். இந்த நிகழ்வைப் பற்றியும், பியாரேலாலின் வருத்தத்தைப் பற்றியும் அப்படத்தின் எழுத்தாளர் முஷ்டாக் ஷேக் தனது ‘தி மேக்கிங் ஆஃப் ஓம் சாந்தி ஓம்’ என்ற புத்தகத்தில் விரிவாகக் குறிப்பிட்டுள்ளார்.

இந்த மனக்கசப்பு குறித்து அறிந்த நடிகர் ஷாருக்கான், பியாரேலாலை நேரில் சந்தித்து நன்றி தெரிவித்ததுடன் மன்னிப்பும் கேட்டுக் கொண்டார். அதேபோல, இசையமைப்பாளர்கள் விஷால்-சேகரும் தங்கள் தவறை உணர்ந்து, அவருக்கு உரிய அங்கீகாரம் அளிக்கத் தவறியதற்காக வருத்தம் தெரிவித்து மன்னிப்பு கேட்டனர்.