இப்படி ஒரு முடிவா?… யார் அந்த முகமூடி மனிதர்கள்?… துளைத்த 8 தோட்டாக்கள்… ரத்த வெள்ளத்தில் மிதந்த சாலை… அடுத்தடுத்து நடக்கும் குற்றங்கள்…!!

பீகார் மாநிலம் ஆரா பகுதியில், ஓய்வுபெற்ற மத்திய சுங்கத்துறை அதிகாரியான 72 வயது ராம் குமார் சிங் மர்ம நபர்களால் படுகொலை செய்யப்பட்ட சம்பவம் பெரும் அதிர்ச்சியை ஏற்படுத்தியுள்ளது. போஜ்பூர் மாவட்டத்தின் துமாரியா கிராமத்தைச் சேர்ந்த இவர், பணி ஓய்வுக்குப் பின் நவாடா காவல் சரகத்திற்குட்பட்ட கன்காபுரி பகுதியில் வசித்து சமூகப் பணிகளில் ஈடுபட்டு வந்தார். வியாழக்கிழமை அதிகாலை தனது இல்லத்திற்கு அருகே வழக்கமான நடைப்பயிற்சியில் ஈடுபட்டிருந்தபோது, இருசக்கர வாகனத்தில் முகத்தை மூடிக்கொண்டு வந்த அடையாளம் தெரியாத நபர்கள் அவரை வழிமறித்து சரமாரியாக துப்பாக்கிச் சூடு நடத்தினர்.

சுமார் எட்டு தோட்டாக்கள் உடலைத் துளைத்ததில், படுகாயமடைந்த அவர் சம்பவ இடத்திலேயே பரிதாபமாக உயிரிழந்தார். துப்பாக்கிச் சத்தம் கேட்டு அக்கம் பக்கத்தினர் கூடுவதற்குள் கொலையாளிகள் அங்கிருந்து தப்பிச் சென்றுவிட்டனர். தகவலறிந்து விரைந்து வந்த நவாடா காவல்துறையினர், உடலைக் கைப்பற்றி உடற்கூறாய்வுக்கு அனுப்பி வைத்து தீவிர விசாரணையை முடுக்கிவிட்டுள்ளனர். இந்தத் தாக்குதலின் பின்னணி என்ன, முன்விரோதம் ஏதேனும் காரணமா என்பது குறித்தும், தப்பியோடிய குற்றவாளிகளை அடையாளம் காணவும் தீவிர தேடுதல் வேட்டை நடைபெற்று வருகிறது.