“யாரிடம் பேசினாய்..? நள்ளிரவில் வெடித்த வாக்குவாதம்… மனைவியின் உயிரைப் பறித்துவிட்டு.. நேராக காவல் நிலையம் சென்ற கணவன்…!!”

குருகிராமில் நள்ளிரவில் போனில் பேசிக்கொண்டிருந்த மனைவியைக் கணவன் கழுத்தை நெரித்துக் கொலை செய்த அதிர்ச்சி சம்பவம் அரங்கேறியுள்ளது. கைலாஷ் காலனியைச் சேர்ந்த அமித் குமார் என்பவருக்கும், அவரது மனைவி ஷாலினிக்கும் இடையே போனில் பேசுவது தொடர்பாக நீண்ட நாட்களாகத் தகராறு இருந்து வந்துள்ளது. சம்பவத்தன்று நள்ளிரவு 2 மணி அளவில் ஷாலினி யாரிடமோ போனில் பேசிக்கொண்டிருந்ததைக் கண்ட அமித், ஆத்திரமடைந்து அவருடன் வாக்குவாதத்தில் ஈடுபட்டுள்ளார்.

இந்த வாக்குவாதம் முற்றிய நிலையில், ஆத்திரமடைந்த அமித் தனது மனைவியின் கழுத்தை நெரித்துக் கொன்றுள்ளார். பின்னர், தானாகவே காவல் நிலையத்திற்குச் சென்று தனது மனைவியைக் கொன்றுவிட்டதாகக் கூறி சரணடைந்தார். தகவல் அறிந்து சம்பவ இடத்திற்கு விரைந்த போலீசார், ஷாலினியின் உடலைக் கைப்பற்றி பிரேதப் பரிசோதனைக்கு அனுப்பி வைத்தனர்.

போலீசாரின் முதற்கட்ட விசாரணையில், தனது மனைவி அதிக நேரம் செல்போனில் செலவிடுவதும், நள்ளிரவில் அந்நியர்களுடன் பேசுவதும் அமித்திற்குப் பிடிக்கவில்லை எனத் தெரியவந்துள்ளது. இது தொடர்பாகப் பலமுறை எச்சரித்தும் ஷாலினி கேட்காததால் இந்த விபரீத முடிவை எடுத்ததாக அமித் வாக்குமூலம் அளித்துள்ளார். தற்போது போலீசார் அமித் மீது கொலை வழக்குப் பதிவு செய்து அவரை நீதிமன்றக் காவலில் வைத்துள்ளனர்.