“அத்தையே செய்த அசிங்கம்…” பெற்றோரை இழந்த 16 வயது சிறுமியை ஸ்பாவில் விற்ற கொடூரம்… மாமா உள்பட 4 பேரை தட்டி தூக்கிய போலீஸ்… பகீர் பின்னணி…!!

ஆந்திர மாநிலத்தைச் சேர்ந்த 16 வயது அனாதைச் சிறுமியை, அவரது பெற்றோர் மறைவுக்குப் பின் வளர்த்து வந்த சொந்த அத்தையும் மாமாவும் சேர்ந்து, போலி ஆவணங்கள் மூலம் வயது வந்தவராகச் சித்தரித்து பல்வேறு மாநிலங்களில் உள்ள ஸ்பாக்களுக்கு விற்று பாலியல் கொடுமைக்கு ஆளாக்கிய கொடூரச் சம்பவம் வெளிச்சத்திற்கு வந்துள்ளது.

கேரள மாநிலம் கோவளம் மற்றும் பூவார் பகுதிகளில் உள்ள ஸ்பாக்களில் அச்சிறுமி அடைக்கப்பட்டு பாலியல் வன்கொடுமைக்கு ஆளாக்கப்பட்ட நிலையில், அங்கிருந்து ஒரு வாலிபரின் உதவியுடன் சிறுமி தப்பியோடியுள்ளார். இதனைத் தொடர்ந்து உறவினர்கள் அளித்த காணாமல் போன புகாரின் பேரில் விசாரணை நடத்திய போலிஸார், சிறுமியை மீட்டு விசாரணை நடத்தியபோதுதான் இந்த அதிரவைக்கும் உண்மைகள் அம்பலமாகின.

சிறுமியின் அத்தை, மாமா மற்றும் கேரளா ஸ்பா மேலாளர்கள் சஞ்சித் குமார், நிஷாந்த் ஆகிய 4 பேரை அதிரடியாகக் கைது செய்துள்ள காவல்துறையினர், ஜூலை மாதத்திற்கு முன்பு சென்னை கூடுவாஞ்சேரி மற்றும் ஹைதராபாத் ஸ்பாக்களில் அச்சிறுமியை விற்றுச் சீரழித்தது குறித்தும் தீவிர விசாரணை நடத்தி வருகின்றனர்.