“கல்யாணம் முடிஞ்சும் தனியா வந்த மாப்பிள்ளை”… அண்ணனுக்கு கொடுத்த மரியாதையால் வந்த வினை… விடிய விடிய நடந்த பஞ்சாயத்து.. பெண் வீட்டார் எடுத்த அதிரடி முடிவு…!!

உத்தரப்பிரதேச மாநிலம் மொராதாபாத்தில், ஒரு சிறிய கௌரவப் பிரச்சினை காரணமாகத் திருமணம் பாதியிலேயே நின்ற வினோதமான சம்பவம் அரங்கேறியுள்ளது. ஏப்ரல் 2-ஆம் தேதி நடைபெற்ற இந்தத் திருமணத்தில், மணமகன் மற்றும் அவரது வீட்டார் உற்சாகமாகப் பெண்ணின் வீட்டிற்குச் சென்றனர். முறைப்படி நிகாஹ் சடங்குகள் அனைத்தும் இனிதே முடிந்து, மணப்பெண் புகுந்த வீட்டிற்குப் புறப்படத் தயாரானார்.

அந்த நேரத்தில் நடைபெற்ற மரியாதை செலுத்தும் முறை சடங்கின் போது, தனது மூத்த சகோதரருக்குப் பெண் வீட்டார் தகுந்த மதிப்பளிக்கவில்லை என்று கூறி மணமகன் திடீரென வாக்குவாதத்தில் ஈடுபட்டார். முதியவர்கள் எவ்வளவோ சமாதானப்படுத்த முயன்றும், மணமகன் விடாப்பிடியாகப் பொது இடத்தில் ரகளையில் ஈடுபட்டது பெரும் பரபரப்பை ஏற்படுத்தியது.

மேலும் மணமகனின் இத்தகைய பிடிவாதமான மற்றும் முதிர்ச்சியற்ற நடத்தையைக் கண்டு அதிர்ச்சியடைந்த பெண் வீட்டார், தங்கள் மகளின் எதிர்காலத்தைக் கருதி ஒரு துணிச்சலான முடிவை எடுத்தனர். சிறிய விஷயத்திற்காகப் பொதுவெளியில் இவ்வளவு அநாகரீகமாக நடந்துகொள்ளும் நபருக்குத் தங்கள் மகளைத் திருமணம் செய்து கொடுக்க முடியாது என்று கூறி, பெண்ணை அனுப்ப மறுத்துவிட்டனர்.

இதனால், நிக்காஹ் முடிந்தும் மணமகன் மணப்பெண் இன்றித் தனியாகத் திரும்ப வேண்டிய சூழல் ஏற்பட்டது. தற்போது மணமகன் வீட்டார் இது தொடர்பாகக் காவல் நிலையத்தில் புகார் அளித்துள்ளனர். திருமணச் செலவுகளைத் திரும்பப் பெற்றுத் தர வேண்டும் அல்லது பெண்ணை அனுப்பி வைக்க வேண்டும் என்று அவர்கள் கோரிக்கை விடுத்துள்ள நிலையில், காவல்துறையினர் இரு தரப்பினரையும் அழைத்து விசாரணை நடத்தி வருகின்றனர்.