மனைவி இல்லாத நேரத்தில்… கள்ளக்காதலனை தேடி வீட்டிற்கு சென்ற காதலி… பெற்றோர்கள் செய்த பயங்கரத்தால் அதிர்ச்சி…!!

உத்தரப் பிரதேச மாநிலம், பாராபங்கி மாவட்டத்தில் உள்ள ஒரு கிராமத்தில், 31 வயதுப் பெண் ஒருவர் வெட்டிக்கொலை செய்யப்பட்டதாகப் போலீசாருக்குத் தகவல் கிடைத்தது. விரைந்து வந்த போலீசார், சடலத்தைக் கைப்பற்றி விசாரணை நடத்தினர். அப்போது சந்தீப் என்பவரது வீட்டில் அந்தப் பெண் கொலை செய்யப்பட்டுக் கிடந்தது தெரியவந்தது. திருமணமான மம்தா என்பவருக்கும், சந்தீப்பிற்கும் இடையே கள்ளத்தொடர்பு இருந்து வந்தது. சந்தீப்பிற்கு கடந்த ஒரு மாதத்திற்கு முன்புதான் திருமணம் நடைபெற்றது. இந்நிலையில், மம்தா நேற்று முன்தினம் இரவு சந்தீப் வீட்டிற்கு வந்துள்ளார். அப்போது அவரது பெற்றோரும் சகோதரிகளும் வீட்டில் இருந்துள்ளனர். சந்தீப்பின் மனைவி தனது தாய் வீட்டிற்குச் சென்றிருந்தார்.

நேற்று காலை 6 மணி அளவில், சந்தீப் இயற்கை உபாதையைக் கழிக்கச் சென்ற நேரத்தில், அவரது பெற்றோர் மற்றும் சகோதரிகள் மம்தாவோடு வாக்குவாதத்தில் ஈடுபட்டுள்ளனர். இதில் ஆத்திரமடைந்த அவர்கள், வீட்டில் இருந்த கோடரியால் மம்தாவைத் தாக்கியதில் அவர் பரிதாபமாக உயிரிழந்தார். சந்தீப் திரும்பி வந்தபோது, மம்தா ரத்த வெள்ளத்தில் பிணமாகக் கிடப்பதைக் கண்டு அதிர்ச்சியடைந்தார்.