‘உங்க ஸ்கூலை அடிச்சி ஒடச்சிருவேன்” படிக்கச் சொன்ன ஆசிரியருக்கு பகீர் மிரட்டல்… இந்த குழந்தையை பார்த்து சிரிப்பதா..? சிந்திப்பதா..? வைரலாகும் சிறுமியின் வீடியோவால் வெடித்த விவாதம்..!!

சமூக வலைதளங்களில் காட்டுத்தீ போல பரவி வரும் ஒரு குறுகிய வீடியோ, இணையவாசிகளை ஒரே நேரத்தில் திகைக்க வைத்ததோடு பலரை சிரிக்கவும் வைத்துள்ளது. பீகாரில் உள்ள ஒரு பள்ளியில் எடுக்கப்பட்டதாகக் கூறப்படும் இந்தக் காணொளியில், ஒரு இளம் மாணவன் வகுப்பறை வாசலில் நின்று கொண்டு தனது ஆசிரியரை “உன் பள்ளியை நான் அழித்துவிடுவேன்” என்று அதீத அதிகாரத்துடனும், கோபத்துடனும் மிரட்டுகிறான். இந்த வீடியோவை @gharkekalesh என்ற எக்ஸ் (X) கணக்கு பகிர்ந்துள்ள நிலையில், இது ஒரு புதிய விவாதத்தைத் தூண்டியுள்ளது.

ஆசிரியர் அந்தச் சிறுவனைச் சமாதானப்படுத்த முயன்றபோது, அவன் இன்னும் ஆக்ரோஷமாகி தனது எச்சரிக்கையைத் திரும்பத் திரும்பக் கூறுகிறான். பின்னர் மற்றொரு மாணவன் அந்தச் சிறுவனைப் பிடித்து ஆசிரியர் முன் நிறுத்தியபோது, ஆசிரியர் அவனை ஏன் படிக்கச் சொன்னால் முகம் சுளிக்கிறாய் என்று கேட்கிறார். படிக்கச் சொன்னதால் ஏற்பட்ட கோபத்திலேயே அந்தச் சின்ன ‘டான்’ ஆசிரியரை மிரட்டியது தெரியவந்தது. அந்தச் சூழலிலும் அவனது கோபம் அடங்காமல் அதே மிரட்டலை மீண்டும் மீண்டும் கூறுகிறான்.

இந்த வீடியோ குறித்து சமூக ஊடகப் பயனர்கள் மத்தியில் கலவையான கருத்துக்கள் எழுந்துள்ளன. சிலர் இதை வேடிக்கையாகக் கருதி, “இந்தக் குழந்தை வளர்ந்ததும் நிச்சயம் ஒரு தலைவராக வருவார்” என்று பதிவிட்டுள்ளனர். இருப்பினும், பலர் இது கவலைக்குரிய விஷயம் என்றும், அந்தக் குழந்தை கோபத்தில் நடுங்குவதால் அதற்கு முறையான வளர்ப்பும் அன்பும் தேவை என்றும் கருத்து தெரிவித்துள்ளனர். இக்காலக் குழந்தைகள் ஆசிரியர்கள் மீதான பயத்தை இழந்து வருவது ஆரோக்கியமானதல்ல என்றும் ஒரு தரப்பினர் சுட்டிக்காட்டியுள்ளனர்.