பொதுவாகப் பாம்புகளைக் கண்டால் துணிச்சலான மனிதர்கள் கூட அச்சமடைவது இயல்பு. ஆனால், சமூக ஊடகங்களில் தற்போது வைரலாகி வரும் ஒரு வீடியோவில், சிறுமி ஒருவர் தனது வீட்டிற்குள் நுழைந்த பாம்பை எவ்வித பயமுமின்றி எதிர்கொள்ளும் காட்சி அனைவரையும் வியப்பில் ஆழ்த்தியுள்ளது. வீட்டின் மூலையில் மறைந்திருந்த அந்தப் பாம்பைக் கண்டு மிரளாமல், அந்தச் சிறுமி காட்டிய தைரியமும் சமயோசித புத்தியும் நெட்டிசன்களை ஆச்சரியத்தில் உறைய வைத்துள்ளது.
An Australian dad teaches his daughter how to get a snake out of the house.pic.twitter.com/KVBDZpty9z
— Massimo (@Rainmaker1973) February 7, 2026
தன்னால் பாம்பை விரட்ட முடியும் என்ற தன்னம்பிக்கையுடன் செயல்பட்ட அந்தச் சிறுமி, வீட்டிலிருந்த ஒரு துப்புரவுத் துடைப்பத்தைப் (Mop) பயன்படுத்திப் பாம்பை லாவகமாக வெளியே கொண்டு வருகிறார். பின்னர், சற்றும் தயக்கமின்றி அந்தப் பாம்பைத் தனது கைகளால் தூக்கி வீட்டை விட்டு வெளியே வீசுகிறார். ஆபத்தான சூழலிலும் பதற்றப்படாமல் ஒரு சிறுமி காட்டிய இந்தத் துணிச்சல், தற்போது இணையதளங்களில் பேசுபொருளாகிப் பாராட்டுகளைக் குவித்து வருகிறது.