“நான் எஸ்பி-யோட சொந்தக்காரன்!”… சிறுவன் மீது காரை ஏற்றிவிட்டு மிரட்டிய போதை ஆசாமி… மக்கள் கொடுத்த தரமான பதிலடி…!!

மதுரை பாண்டிகோவில் முதல் சிவகங்கை வரையிலான சாலையில், அண்ணாநகரைச் சேர்ந்த சந்தோஷ் யாதவ் என்பவர் கடுமையான மதுபோதையில் காரை ஓட்டிச் சென்றுள்ளார். அப்போது எதிர்பாராதவிதமாக சாலையில் சென்றுகொண்டிருந்த சிறுவன் மீது காரை மோதிய அவர், வாகனத்தை நிறுத்தாமல் அங்கிருந்து தப்பிச் செல்ல முயன்றுள்ளார். விபத்தில் சிறுவன் காயமடைந்ததைக் கண்ட அப்பகுதி மக்கள், உடனடியாக அந்த காரை துரத்திச் சென்று மடக்கிப் பிடித்தனர்.

பொதுமக்களிடம் சிக்கிய சந்தோஷ் யாதவ், தான் திருப்பூர் மாவட்ட காவல் கண்காணிப்பாளர் ஸ்ருஷ்டி சிங்கின் உறவினர் என்று கூறி வாக்குவாதத்தில் ஈடுபட்டுள்ளார். ஆனால், காரின் உள்ளே மதுபாட்டில்கள் இருந்ததைக் கண்ட மக்கள், அவரைப் பிடித்து அண்ணாநகர் காவல்துறையினரிடம் ஒப்படைத்தனர். பின்னர் போலீசார் நடத்திய பரிசோதனையில் அவர் மது அருந்தியிருப்பது உறுதியானதை அடுத்து, காரை பறிமுதல் செய்ததோடு சந்தோஷ் யாதவை அதிகாரப்பூர்வமாக கைது செய்து தொடர் விசாரணை மேற்கொண்டு வருகின்றனர்.