ஐயோ..! சிறுவனை கயிற்றில் கட்டி கிணற்றுக்குள் இறக்கிய ஒட்டுமொத்த கிராமத்தினர்.. துணிச்சலா? அல்லது முட்டாள்தனமா..? நடந்ததுஎன்ன ..? வைரலாகும் பதறவைக்கும் வீடியோ..!!

பீகார் மாநிலம் மோதிஹாரி மாவட்டத்தில் ஆழமான கிணற்றில் விழுந்த ஆட்டுக்குட்டியை மீட்பதற்காக கிராம மக்கள் கையாண்ட விசித்திரமான முறை சமூக வலைதளங்களில் பெரும் விவாதத்தை ஏற்படுத்தியுள்ளது. கிணறு மிகவும் குறுகலாகவும் ஆழமாகவும் இருந்ததால், பெரியவர்கள் யாரும் உள்ளே செல்ல முடியாத நிலை ஏற்பட்டது. இதையடுத்து, ஒரு சிறுவனின் கால்களைக் கயிற்றால் கட்டி, அவனைத் தலைகீழாகக் கிணற்றுக்குள் இறக்கி ஆட்டுக்குட்டியை மீட்க கிராமத்தினர் முடிவு செய்தனர். உயிருக்கு ஆபத்தான இந்த மீட்புப் பணியின் போது, அந்தச் சிறுவன் மிகுந்த தைரியத்துடன் செயல்பட்டு ஆட்டுக்குட்டியைப் பத்திரமாகப் பிடித்துக் கொண்டான்.

இந்தச் சம்பவத்தின் வீடியோ இணையத்தில் வைரலாகி வரும் நிலையில், பலரும் தங்களது கருத்துகளைப் பகிர்ந்து வருகின்றனர். ஆட்டுக்குட்டியின் உயிரைக் காப்பாற்றிய சிறுவனின் துணிச்சலைப் பாராட்டும் அதே வேளையில், ஒரு விலங்கைக் காப்பாற்றச் சிறுவனின் உயிரைப் பணயம் வைத்தது சரியா என்ற கேள்வியையும் நெட்டிசன்கள் எழுப்பி வருகின்றனர். அதிர்ஷ்டவசமாக இந்த முயற்சியில் சிறுவனுக்கும் ஆட்டுக்குட்டிக்கும் எந்த பாதிப்பும் ஏற்படவில்லை என்றாலும், முறையான பாதுகாப்பு உபகரணங்கள் இன்றி மேற்கொள்ளப்பட்ட இந்தச் செயல் பலரை அதிர்ச்சியடைய வைத்துள்ளது.