“விடாமல் அழுத குழந்தை…” கண்டுக்காமல் இருந்த பெண்ணால் டிரைவருக்கு வந்த சந்தேகம்… கடைசியில் நடந்த டுவிஸ்ட்…. வெளியான திடுக்கிடும் தகவல்கள்…!!

சென்னையைச் சேர்ந்த டி. ஜோசப் என்ற ஆட்டோ ஓட்டுநர், மருத்துவமனை ஒன்றின் அருகே பெண் ஒருவரையும் அவரது கையில் இருந்த 1.5 வயதுக் குழந்தையையும் தனது ஆட்டோவில் ஏற்றியுள்ளார். பயணம் செய்தபோது குழந்தை தொடர்ந்து அலறித் துடித்துக் கதறியுள்ளது. ஆனால், தாயாக நடித்த அந்தப் பெண்மணி எந்தவிதக் கவலையோ பதற்றமோ இன்றி மிகவும் அமைதியாக இருப்பதை ஆட்டோ டிரைவர் ஜோசப் கூர்ந்து கவனித்துள்ளார்.

சந்தேகமடைந்த ஜோசப், தனது ஆட்டோவை நேராக அந்த மருத்துவமனையில் இருந்த பாதுகாப்புப் போலிஸாரிடம் ஓட்டிச் சென்று நிதானமாகத் தகவல் தெரிவித்துள்ளார். அதே நேரத்தில், குழந்தையைத் தவறவிட்ட உண்மையான தாய் மருத்துவமனையில் கதறி அழுது கொண்டிருந்தார். ஜோசப் கொடுத்த தகவலின் பேரில் போலிஸார் தீவிர விசாரணை நடத்தியதில், அந்தப் பெண் குழந்தையைக் கடத்தியது உறுதியானது.

இந்தச் சம்பவத்தின் பின்னணியை ஆழமாக விசாரித்த போது, தமிழ்நாடு முழுவதும் பரவிக் கிடந்த பெரிய அளவிலான சட்டவிரோதக் குழந்தைகள் தத்தெடுப்பு மற்றும் கடத்தல் கும்பல் சிக்கியது. ஆட்டோ ஓட்டுநர் ஜோசப்பின் இந்த துணிச்சலான மற்றும் சாதுரியமான செயலால், அந்தப் பிஞ்சுக் குழந்தையுடன் சேர்த்து மொத்தம் 11 குழந்தைகள் கடத்தல்காரர்களிடமிருந்து மீட்கப்பட்டு அவர்களின் பெற்றோரிடம் ஒப்படைக்கப்பட்டனர். சமுதாயத்தின் பொறுப்புள்ள குடிமகனாகச் செயல்பட்டு நிஜ ஹீரோவாக மாறியுள்ள ஜோசப்பிற்கு அனைத்துத் தரப்பில் இருந்தும் பாராட்டுக்கள் குவிந்து வருகின்றன.