கர்ப்பத்தை மறைக்க எடுத்த விபரீத முடிவு… குடும்பத்திற்குத் தெரியக்கூடாது என ரகசியம் காத்து, இறுதியில் பிணமான பரிதாபம்… பகீர் சம்பவம்..!!!

மும்பையில் 22 வயதுடைய திருமணமாகாத இளம் பெண் ஒருவர், தான் கர்ப்பமாக இருப்பதை குடும்பத்தினரிடம் இருந்து ரகசியமாக மறைத்துள்ளார். இந்நிலையில், அந்தப் பெண் கருக்கலைப்பு மாத்திரைகளை உட்கொண்ட சில மணிநேரங்களிலேயே அவருக்குக் கடுமையான ரத்தப்போக்கு மற்றும் உடல்நலக் குறைவு ஏற்பட்டுள்ளது.

மேலும் நிலைமை மோசமானதைத் தொடர்ந்து அவர் உடனடியாக மருத்துவமனைக்குக் கொண்டு செல்லப்பட்டார், ஆனால் துரதிர்ஷ்டவசமாக சிகிச்சை பலனின்றி அந்தப் பெண் உயிரிழந்தார். இந்தச் சம்பவம் குறித்து போலீஸார் வழக்குப் பதிவு செய்து தீவிர விசாரணை நடத்தி வருகின்றனர்.

அந்தப் பெண்ணுக்கு கருக்கலைப்பு மாத்திரைகள் எப்படிக் கிடைத்தன மற்றும் மருத்துவ ஆலோசனையின்றி மருந்துகளை உட்கொண்டதுதான் உயிரிழப்பிற்கு முக்கிய காரணமா என்பது குறித்து அதிகாரிகள் ஆராய்ந்து வருகின்றனர். சமூகத்தில் நிலவும் அச்சம் மற்றும் குடும்பத்திற்குத் தெரியக்கூடாது என்ற ரகசியப் போக்கினால், முறையான மருத்துவ உதவியைப் பெறாமல் இதுபோன்ற ஆபத்தான முடிவுகளை எடுப்பது உயிருக்கே உலைய வைக்கும் என்பதற்கு இந்தச் சம்பவம் ஒரு கசப்பான எச்சரிக்கையாக அமைந்துள்ளது.