“நான் என்ன ஸ்கூல் ஸ்டூடண்டா?”… லீவ் எடுக்க பேரண்ட்ஸ் சைன் கேட்காத குறையா டார்ச்சர் செய்த மேனேஜர்… கடுப்பான ஊழியர் செய்த காரியம்… வைரலாகும் வாட்ஸ்அப் ஸ்கிரீன்ஷாட்…!

சமூக வலைத்தளங்களான எக்ஸ் மற்றும் ரெட்டிட் (Reddit) தளங்களில், ஜென்-சி (Gen Z) ஊழியர் ஒருவருக்கும் அவரது மேலாளருக்கும் இடையே நடந்த வாட்ஸ்அப் உரையாடல் ஒன்று தற்போது பேசுபொருளாகியுள்ளது. காய்ச்சல் காரணமாக விடுப்பு எடுப்பதாக அந்த ஊழியர் குறுஞ்செய்தி அனுப்பியபோது, மேலாளர் அவரை மருத்துவரிடம் அழைத்துச் செல்வதாகக் கூறியதுடன், நிறுவன இயக்குநரின் உத்தரவுப்படி கட்டாயம் மருத்துவப் பரிந்துரைச் சீட்டு வேண்டும் என வற்புறுத்தியுள்ளார். இதற்குச் சற்றும் தயங்காத அந்த இளம் ஊழியர், “நான் பள்ளி மாணவன் கிடையாது; எனக்கு விடுப்பு இருப்பதால் அதனை எடுக்கிறேன்” என்று பதிலடி கொடுத்துள்ளார். மேலும், “இயக்குநரே மருத்துவராக இருப்பதால் அவரே சீட்டு எழுதிக் கொடுக்கட்டும், என்னால் பெற்றோரிடம் கையெழுத்து வாங்கி வர முடியாது” என்று கிண்டலாகக் கூறிவிட்டு, போனை ஆஃப் செய்து ஓய்வெடுக்கப் போவதாகத் திட்டவட்டமாகத் தெரிவித்துள்ளார்.

https://x.com/WhateverVishal/status/2071941358143893759/photo/1?ref_src=twsrc%5Etfw%7Ctwcamp%5Etweetembed%7Ctwterm%5E2071941358143893759%7Ctwgr%5E07b5987828fc8941466fdfbab00102699102d638%7Ctwcon%5Es1_&ref_url=https%3A%2F%2Fwww.republicworld.com%2Fviral%2Fgen-z-employees-savage-reply-to-boss-demanding-sick-leave-proof-goes-viral-2026-07-01-130790

இந்த அதிரடியான உரையாடல் இணையத்தில் வைரலானதைத் தொடர்ந்து, கார்ப்பரேட் நிறுவனங்களின் கட்டுப்பாடுகள் மற்றும் ‘மைக்ரோமேனேஜ்மென்ட்’ குறித்துப் பலத்த விவாதம் எழுந்துள்ளது. மருத்துவச் சான்றிதழ் கேட்பது நிறுவனத்தின் சாதாரண நடைமுறைதான் எனச் சிலர் கூறினாலும், பெரும்பாலான நெட்டிசன்கள் அந்த ஊழியரின் தைரியத்தைப் பாராட்டியுள்ளனர். இந்திய மேலாளர்கள் தங்கள் கீழ் வேலை பார்ப்பவர்களை அடிமைகளாக நினைக்கிறார்கள் என்று விமர்சித்துள்ள பலரும், தங்களின் உரிமையான விடுப்பைக் கேட்பதற்குப் பள்ளி மாணவர்களைப் போல் ஊழியர்கள் நடத்தப்படுவதைக் கடுமையாகச் சாடியுள்ளனர். இன்றைய இளம் தலைமுறையினர் தங்கள் மனநலனையோ அல்லது சுயமரியாதையையோ விட்டுக் கொடுக்கத் தயாராக இல்லை என்பதையும், பணியிடங்களில் தமக்கான ஆரோக்கியமான எல்லைகளை அவர்கள் உறுதியாக வகுக்கத் தொடங்கிவிட்டனர் என்பதையுமே இந்தச் சம்பவம் தெளிவாக உணர்த்துகிறது.