தமிழகத்தில் பெரும்பான்மை பலம் இல்லாத தவெக அரசுக்கு காங்கிரஸ், விசிக, ஐயூஎம்எல் உள்ளிட்ட கட்சிகள் அமைச்சரவையில் இடம்பெற்றும், கம்யூனிஸ்ட் கட்சிகள் வெளியிலிருந்தும் ஆதரவு அளித்து வருகின்றன. இந்நிலையில், தவெக கூட்டணியில் அங்கம் வகிக்கும் தோழமைக் கட்சிகளுக்கு முதல்வர் விஜய் தரப்பில் இருந்து கடுமையான எச்சரிக்கை விடுக்கப்பட்டுள்ளதாக வெளியாகியுள்ள தகவல் அரசியல் வட்டாரத்தில் பெரும் பரபரப்பை ஏற்படுத்தியுள்ளது. குறிப்பாக, விசிக தலைவர் திருமாவளவன் மற்றும் மதிமுக பொதுச்செயலாளர் வைகோ ஆகியோரின் சமீபத்திய கருத்துகள் முதல்வர் விஜய்க்கு கடும் அதிருப்தியை ஏற்படுத்தியதாகவும், இதன் காரணமாகவே தவெக தரப்பில் இருந்து அவர்களுக்கு மறைமுக கண்டிப்புச் சென்றதாகவும் தவெக வட்டாரங்கள் தெரிவிக்கின்றன.
சட்டப்பேரவையில் முதல்வர் விஜய் பேசிய “அப்பாவை காணோம்” என்ற கமெண்ட்டை திருமாவளவன் வெளிப்படையாக விமர்சித்தது தவெக தரப்பை முகம் சுளிக்க வைத்தது. அதுமட்டுமின்றி, விசிகவிற்கு சமூகநீதித் துறைக்கு பதிலாக கூடுதல் முக்கியத்துவம் வாய்ந்த அமைச்சகத்தை ஒதுக்க வேண்டும், இல்லையெனில் ஆதரவை மறுபரிசீலனை செய்ய நேரிடும் என திருமாவளவன் பேசியதாகவும், திருச்சி கிழக்கு தொகுதி மற்றும் வாரியப் பதவிகளை அவர் மறைமுகமாக கோரியதாகவும் கூறப்படுகிறது. இதனால் அதிருப்தியடைந்த முதல்வர் விஜய், தனது முக்கிய ஆலோசகர்களுடன் விவாதித்து, “இரண்டு எம்.எல்.ஏ.க்களை வைத்துக்கொண்டு அழுத்தம் கொடுப்பதை ஏற்க முடியாது, தேவையெனில் இடைத்தேர்தலை சந்திக்கலாம்” என்ற தொனியில் அமைச்சர் ஆதவ் அர்ஜுனா மூலம் திருமாவளவனுக்கு எச்சரிக்கை விடுத்ததாகத் தெரிகிறது. இதன் பின்னரே, “அரசிடம் எந்த டிமாண்டும் வைக்கவில்லை” என திருமாவளவன் தனது நிலையை மாற்றிக்கொண்டதாகக் கூறப்படுகிறது.
இதேபோல், மதிமுக பொதுச்செயலாளர் வைகோ, “மதிமுக எம்.எல்.ஏ.க்கள் ராஜினாமா செய்தால் இடைத்தேர்தலில் வெற்றி பெறச் செய்வேன் என்று முதல்வர் கூறினார்” எனப் பேசியது குதிரைப் பேர அரசியல் குற்றச்சாட்டுகளுக்கு இடையே தேவையற்ற சர்ச்சையை கிளப்பியது. இதுகுறித்து உளவுத்துறை அளித்த அறிக்கையைத் தொடர்ந்து, அமைச்சர்கள் ஆனந்த் மற்றும் ஆதவ் அர்ஜுனா ஆகியோர் நேரில் சென்று வைகோவிடம் முதல்வரின் அதிருப்தியைத் தெரிவித்தனர். அதன் விளைவாகவே, “எம்.எல்.ஏ.க்கள் ராஜினாமா செய்ய வேண்டும் என்று கூறியது நான்தான், முதல்வர் இல்லை” என்று வைகோ உடனடியாக விளக்கம் அளித்தார். தவெக தரப்பில் இருந்து சென்ற இந்த அதிரடி எச்சரிக்கைகளே திருமாவளவன் மற்றும் வைகோ ஆகியோரின் தொடர் விளக்கங்களுக்கும், கூட்டணியில் ஏற்பட்டுள்ள தற்காலிக அமைதிக்கும் முக்கிய காரணம் என அரசியல் வட்டாரங்களில் பேசப்படுகிறது.
பெங்களூரு யெலஹங்கா பகுதியில், தனது மகளுடன் பழகியதாகக் கூறி கேரளாவைச் சேர்ந்த 22 வயது தொழிலாளியை அவரது முதலாளியே அடித்துக்…
உத்தரப் பிரதேச மாநிலம் பராபங்கியைச் சேர்ந்த சந்தீப் வர்மா என்பவரும் ரீமா வர்மா (30) என்பவரும் காதலித்து திருமணம் செய்து…
திருவாரூர் வடம்போக்கி பகுதியைச் சேர்ந்தவர் சங்கர்ராமன் (73). இவர் அங்குள்ள தெட்சிணாமூர்த்தி மடத்தில் பணியாற்றி வந்தார். இந்நிலையில், தியாகராஜர் கோயில்…
பெங்களூருவின் பன்னேருகட்டா பகுதி அருகே சி.கே. பாளையா சாலையில் அமைந்துள்ள 'ஹலேவூரு கபாப் சென்டர்' உணவகத்தில் அக்டோபர் 28 அன்று…
தீபாவளி பண்டிகையின் போது பட்டாசுகளை வெடிக்கும்போது ஏற்படும் விபத்துகளால் கடுமையான தீக்காயங்கள் மற்றும் நிரந்தர பார்வை இழப்பு ஏற்படக்கூடும் என்று…
பெங்களூரில் நிகழ்ந்த ஒரு கோரச் சம்பவத்தில், தன் உற்பத்திப் பிரிவில் பணிபுரியும் கிரண் என்பவரை, தன் மகளுடன் வீட்டில் தனித்திருந்த…