திருச்சுழி தொகுதியில் திடீர் திருப்பம்… மேடையிலேயே ராஜவர்மன் பேச்சால் ஆடிப்போன அதிமுக தொண்டர்கள்… யாரும் எதிர்பார்க்காத ட்விஸ்ட்..!!!

விருதுநகர் மாவட்டம் திருச்சுழி தொகுதியில் அதிமுக வேட்பாளராக அறிவிக்கப்பட்டுள்ள ராஜவர்மன், தான் அந்தத் தொகுதியில் போட்டியிட விருப்பம் தெரிவிக்கவில்லை என்றும், எடப்பாடி பழனிசாமியின் கட்டளைப்படியே அங்கு களம் இறங்கியுள்ளதாகவும் பொதுக்கூட்டத்தில் வெளிப்படையாகப் பேசியது அரசியல் வட்டாரத்தில் பெரும் பரபரப்பை ஏற்படுத்தியுள்ளது.

மேலும் சாத்தூர் தொகுதி பாஜகவுக்கு ஒதுக்கப்பட்டு, அங்கு நயினார் நாகேந்திரன் போட்டியிடுவதால், ராஜவர்மன் அதிருப்தியில் இருந்ததாகக் கூறப்படுகிறது. இந்தச் சூழலில், காரியாபட்டியில் நடைபெற்ற அதிமுக செயல்வீரர்கள் கூட்டத்தில் பேசிய அவர், “திருச்சுழி தொகுதியில் போட்டியிட நான் சீட் கேட்கவே இல்லை, எடப்பாடியார் தான் என்னை இங்கு அனுப்பி வைத்தார்” என்று மேடையிலேயே போட்டுடைத்தார்.

இதனால் சாத்தூரில் அசுர பலம் கொண்ட ராஜவர்மன் தனித்து நின்றால் அது கூட்டணியின் வெற்றிக்கு பாதிப்பை ஏற்படுத்தும் என்பதால், அதிமுக மற்றும் பாஜக மேலிடம் அவரைச் சமாதானம் செய்து திருச்சுழியில் போட்டியிட சம்மதிக்க வைத்ததாகத் தெரிகிறது.

தனது உரையில், தான் ஏற்கனவே சாத்தூர் எம்எல்ஏவாக இருந்த அனுபவம் கொண்டவன் என்றும், உள்ளாட்சித் தேர்தலில் அதிமுகவினரை வெற்றி பெறச் செய்தது போல திருச்சுழியிலும் உழைப்பேன் என்றும் அவர் உறுதி அளித்தார். அதே சமயம், விஜய் தலைமையிலான தமிழக வெற்றிக் கழகத்திற்குப் போடப்படும் வாக்குகள் செல்லாத வாக்குகள் என்றும், தான் வெற்றி பெற்றால் மக்களுக்காகப் பாடுபடுவேன் என்றும் அவர் அந்தப் பொதுக்கூட்டத்தில் பேசினார்.